Իշխանությունն ընդդիմության անկողին մտնելը կդարձնի ջրի ճամփա
Օր օրի վարչապետ Նիկոլ Փաշինյանը էլ ավելի է ընկղմվում է տարատեսակ կոռուպցիոն սկանդալների մեջ, որոնք հերքելու կամ հաստատելու համար պետք է իրավական գործընթացներ հաջորդեն արված հայտարարություններին: Իրավական գործընթացները դեռ չկան, չկան նաև կառավարության ղեկավարի մակարդակով արված փաստարկված արձագանք այդ ամենին:
Նիկոլ Փաշինյանը հաստատապես չի հերքում ոչ մաքսանենգ ծխախոտի արտահանման պատմությունը, ոչ անօրինական զենքի վաճառքի մեջ իր հասցեին հնչեցված մեղադրանքները: Քաղաքական ղեկավարարության համար ձեռնու տարբերակ է այս ամենից մունաթով դիմացինին մեղադրելու շատ ճկուն քաքականությունը, որը դեռևս հաջողությամբ ընթանում է: Կառավարության ղեկավարը իր հասցեին այսուհետ ցանկացած մեղադրանքի արձագանքում է գոռալով, հիստերիկ նոպաներով ու հաթաթա տալով: Բոլորովին վերջերս նա հաթաթա տվեց իր երբեմնի թիմակից նախկինում ԵԼՔ դաշինքի, ներկայում ԼՀԿ-ից ընտրված պատգամավոր Անի Սամսոնյանին այն բանի համար որ Սամսոնյանը Ազգային ժողովում ուղիղ եթերում վարչապետին տվեց շատ կոնկրետ հարց՝ ինչ գործ ունի վարչապետի քավորը բանկ ներկայացրած կեղծված բանկային երաշխիքների հետ: Սամսոնյանի այս հարցը հունից հանեց վարչապետին, և ինչպես ցանկացած իրեն ոչ հաճելի իրավիճակում՝ Փաշինյանը այս անգամ էլ գործի դրեց հարձակվելու տակտիկան հնարքը ու պատգամավորին ասաց, որ Հայաստանը այնքան փոքր երկիր է, որ լավ քրքրեն կարող է Սամսոնյանի բարեկմներն էլ մեկ այլ կոռուպցիոն գործով անցնեն:
Փաշինյանին ճանաչաող ցանկացած մարդ, որը գիտի ազնվության ու սկզբունքայնության մասին նրա պատկերացումները, չէր էլ կասկածում, որ Փաշինյանը հենց այնպես կին պատգամավորին հաթաթա չտվեց ու հիշեցրեց նրա բարեկամնեների կամ ծանոթների՝ կոռուպցիոն սկանդակների մեջ հայտնվելու հնարավորության մասին: Նման պատասխան տալու ընթացքում Փաշինյանը արդեն ուղեղում պատկերացնում էր այն հոդվածը, որը պետք է լույս տեսնի իր սպասարկու մամուլի էջերում: Օրեր անց Փաշինյանի պատկերացրած հոդվածը լույս տեսավ:
Հրապարակվեց Անի Սամսոնյանի նախկին ամուսնու մախինացիաների մասին մի հոդված, որտեղ գրված էր այն մասին, որ Սամսոնյանը նախկին ամուսնու հետ ինչ-ինչ մախինացիաների է մասնակել: Հիմա ասացեք՝ այս արարքը որքանով է հարիր տղամարդուն, իսկ վարչապետին: Հասել ենք այնտեղ, որ ընդդիմադիր պատգամավորին լռեցնելու համար անարգել մտնում են նրա ու նախկին ամուսնու անկողին ու դուրս հանում կեղտոտ սպիտակեղենը, ինչն է թե այդ նույն ընդդիմադիր պատգամավորը ամոթից լեզուն այսուհետ ատամների հետևը քաշած պահի:
Որքանով Անի Սամսոնյանը կվախենա պատվիրված դեղին հոդվածներից, ցույց կտա ժամանակը, բայց մինչ այդ դեղին վարչապետին ու դեղին հոդվածագրին խորհուրդ ենք տալիս դուրս գալ մարդկանց անկողիններից ու գործ անել, իսկ ընդդիմադիր մյուս գործիչներին՝ պատրաստ լինել, որ կարող են հայտնվել նաև իրենց անկողիններում. դա կամաց-կամաց դառնում է իշխանության ձեռքին գործիք՝ իր դեմ ցանկացած տեսակետ ու կարծիք ոչնչացնելու համար:
NewsPress.am