«Իրավունք». Վիկտոր Ենգիբարյանը ոչ միայն քծնել է Սերժ Սարգսյանին, այլև ցանկացել է հայտնվել ՀՀԿ նախընտրական ցուցակում
«Իրավունքն» անդրադարձել է «Իմ քայլը» խմբակցության պատգամավոր Վիկտոր Ենգիբարյանի ելույթին, որը ԱԺ ամբիոնից «քծնանք» է որակել ՍԴ նախագահ Հրայր Թովմասյանի կողմից Նիկոլ Փաշինյանին գրիչ նվիրելու արարքը: Թերթը նշել է, որ ժամանակին Ենգիբարյանը հենց ինքն էր քծնում երրորդ նախագահ Սերժ Սարգսյանին: «Մամուլում շրջանառվեցին Ենգիբարյանի՝ տարիներ առաջ գրած ֆեյսբուքյան հրապարակումները, որտեղ ոչ միայն քծնում է Սերժ Սարգսյանին, այլև զբաղվում է նրա բացահայտ գովքով»:
Թերթը նաև գրել է, որ Վիկտոր Ենգիբարյանը 2017թ.-ի ընտրություններին բուռն ցանկություն է հայտնել առաջադրվել ՀՀԿ կողմից ռեյտինգային ընտրակարգով:
«Ըստ էության, սա է իմքայլական պատգամավորի «սկզբունքայնության» մասին վկայող փաստը, երբ Հրայր Թովմասյանի մասին նա խոսում է որպես քծնողի, լավ կլինի հիշի, որ ընդամենը երկու տարի առաջ ամեն ինչ անում էր Սերժ Սարգսյանի կուսակցության ցուցակով առաջադրվելու համար»:
Մանրամասները՝ թերթի այսօրվա համարում