Զոհված զինծառայողների ընտանիքների բնակարանային խնդիրը մայրաքաղաքում գրեթե 95 տոկոսով լուծվել է. փոխնախարար (տեսանյութ)
ՀՀ Պաշտպանության նախարարությունը նախորդ տարվա ընթացքում գրեթե լուծել է մահացած զինծառայողների ընտանիքների բնակարանային խնդիրը: Այս մասին այսօր` հունվարի 27-ին, նախագահականում լրագրողների հետ զրույցում ասաց ՀՀ ՊՆ փոխնախարար Գաբրիել Բալայանը:
«Մենք մի շարք միջոցառումներ արդեն իսկ ձեռնարկել ենք, որպեսզի նրանց սոցիալական վիճակը ավելի բարելավի, դա վերաբերում է ե΄ւ համապատասխան վճարներին ե΄ւ բնակարանային ապահովման խնդիրներին: Անցած տարվա ընթացքում Երեւանում այն զինծառայողները, որոնք զոհվել են, նրանց ընտանիքների բնակարանային պայմանները գրեթե բավարարել ենք, գոնե 95 տոկոսով, հիմա անցել ենք մարզերում»,- ասել է նա:
Տեսանյութը՝ News.am-ի