ԱԺ նախկին փոխնախագահի որդին ազատվել է պաշտոնից
ՀՀ վարչապետ Նիկոլ Փաշինյանի որոշմամբ ԱԺ նախկին փոխնախագահ, ՀՀԿ-ական Հերմինե Նաղդալյանի որդի՝ Հրանտ Աբաջյանն ազատվել է Չինաստանում Հայաստանի առեւտրային կցորդի պաշտոնից։ Այս մասին տեղեկանում ենք Կառավարության պաշտոնական կայքից։
«Հիմք ընդունելով Հայաստանի Հանրապետության կառավարության 2004 թվականի դեկտեմբերի 23-ի N 1935-Ն որոշմամբ հաստատված կանոնադրության 10-րդ կետը`
Հրանտ Աբաջյանին ազատել Չինաստանի Ժողովրդական Հանրապետությունում Հայաստանի Հանրապետության առևտրական կցորդի պաշտոնից»,- ասված է վարչապետի որոշման մեջ։
Հրանտ Աբաջյանը պաշտոնին նշանակվել էր 2017 թվականին, այդ ժամանակվա վարչապետ Կարեն Կարապետյանի որոշմամբ։