Իրանի շուրջ իրադրությունը շարունակում է լարվել. Հայաստանը՝ ահաբեկիչների նշանառության հավանական թիրախ
Իրանի շուրջ իրավիճակը շարունակվում է լարվել։ Օրըստօրե տարածաշրջանի գլխին առավել առարկայաբար է սկսում կախվել պատերազմի սուրը։ Ամերիկա-իրանական առճակատումը, բնականաբար, չի կարող անտարբեր թողնել Հայաստանին։ Ինքնին հասկանալի է, որ Իրանում պատերազմը ազդելու է նաև Հայաստանի վրա։
Բացի սահմանակից պետություն լինելուց, Իրանը Հայաստանի համար նաև արտաքին աշխարհի հետ կապող երկու ճանապարհներից մեկն է, Վրաստանի հետ մեկտեղ, քանի որ Հայաստանի չորս սահմաններից բաց են միայն իրանական ու վրացական սահմանները։
Վերջին օրերին ԱՄՆ-ն հերթական քայլով իրադրությունն էլ ավելի սրեց այս ուղղությամբ։ ԱՄՆ պետքարտուղար Մայք Պոմպեոն հայտարարեց, որ հանձնարարել է հաստատել ռազմական մատակարարումների գործարքներ ընդհանուր առմամբ՝ 8,1 միլիարդ դոլարի սահմանում, որոնք ունեն ընդգծված հակաիրանական երանգ։ Ընդ որում՝ գործարքի շահառուներ են Սաուդյան Արաբիան, ԱՄԷ-ն, Հորդանանը։
Պարզ ասած՝ Վաշինգտոնը հավանություն է տվել այս երկրներին ամերիկյան սպառազինությունների վաճառքի 22 գործարքների, որոնք դեռ անավարտ են, բայց ընթացքի մեջ։ Վաշինգտոնում այս քայլը մեկնաբանում են որպես Իրանից եկող սպառնալիքի դիմաց ԱՄՆ-ին գործընկեր պետությունների ինքնապաշտպանությունը ամրապնդող քայլ։ Իրանն իր հերթին հայտարարել է, որ պատրաստվում է առաջարկել Պարսից ծոցի երկրներին կնքել համաձայնագիր փոխադարձ չհարձակման մասին։ Հայտարարությունն արել է Իրանի ԱԳ նախարար Մուհամմադ Ջավադ Զարիֆը՝ իր իրացքի գործընկեր Մուհամմադ Ալի ալ-Հաքիմի հետ հանդիպման ժամանակ։
Միաժամանակ, Միացյալ Նահանգները պատրաստվում է 1500 հոգանոց զորակազմ ուղարկել Մերձավոր Արևելք՝ կապված Վաշինգտոն-Թեհրան հարաբերությունների սրացման հետ։ Իհարկե, նախընտրական շրջանում ԱՄՆ նախագահ Դոնալդ Թրամփը չի համարձակվի ավելի լուրջ քայլեր ձեռնարկել, հաշվի առնելով պատերազմի հանդեպ ամերիկյան հասարակության տրամադրությունները և ապա իր նախընտրական խոստումը՝ Ամերիկան զերծ պահել պատերազմներից, սակայն ամեն դեպքում, ինչպես ասում են, պատից կախված զենքը մի օր անպայման կկրակի, իսկ Մերձավոր Արևելք ուղարկվելիք ամերիկյան զորակազմը հենց այդ պատից կախված զենքն է լինելու։
Շատ ավելի արմատական են տրամադրությունները Թեհրանում, որտեղ գրեթե ամեն օր հայտարարություններ են տարածվում, որ իրանցի ժողովուրդը դիմադրելու է ամերիկյան ագրեսիային մինչև վերջ։ Այս պայմաններում Հայաստանը կարող է իրապես հայտնվել եռակողմ մեկուսացման պայմաններում, քանի որ իրանա-ամերիկյան լայնամասշտաբ պատերազմի դեպքում, բնականաբար, Իրան-Հայաստան սահմանը հնարավոր է փակվի կամ չգործի ըստ սովորական ռեժիմի։
Արդյունքում, Հայաստանը մնում է միայն հայ-վրացական սահմանի հույսին, իսկ դա նշանակում է, որ բոլոր այն նախագծերն ու ծրագրերը լինեն երկկողմ կամ բազմակողմ, որոնք կապված են թեկուզ աշխարհագրորեն Իրանի տարածքի հետ, հետաձգվում են կամ չեղարկվում։ Բացի այդ, բարդանում է նաև իրավիճակը անվտանգային առումով։
Լայնամասշտաբ պատերազմn իսլամական երկրում, ինչպես փորձն է ցույց տվել, իր հետ բերում է տևական աղետ նաև ահաբեկչական ծայրահեղական տարբեր էլեմենտների ակտիվացման հետ կապված։ Այս առումով, հայ-իրանական սահմանը պետք է հատկապես ուշադրության տակ առնվի, որպեսզի պատերազմի դեպքում դեպի Իրան նման էլեմենտների հոսքի պարագայում Հայաստանը կարողանա զերծ մնալ դրանց «թեժ գործողությունների» թատերաբեմ դառնալու տխուր հեռանկարից։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Խմբագիր Անժելա Թովմասյանին ոստիկանները բռնի ուժով փորձում են բերման ենթարկել (տեսանյութ)
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
Ոսկեպարի բնակիչները հայտարարել են, որ Փաշինյանն իրենց այլ բան էր խոստացել
Դիմում ենք դաշնակից ՌԴ իշխանություններին և բարեկամ ռուս ժողովրդին՝ խաղաղապահ զորախմբի դուրսբերման գո...
