«Զինվորի բաժին» պիտակով պահածոներն ինչպե՞ս են հայտնվել կենդանիների պահեստում
Պետական վերահսկողական ծառայության ղեկավար Դավիթ Սանասարյանը, գեներալ Մանվելի ձերբակալությունից հետո կողմնորոշվել է՝ ստուգումները կսկսվեն Պաշտպանության նախարարությունից: Այդ մասին Սանասարյանը գրել է Ֆեյսբուքի իր էջում:
«Ի պաշտոնե հայտարարում եմ, որ վերահսկողական առաջին ու հիմնական լիազորությունները պետական վերահսկողական ծառայությունը իրականացնելու է ՊՆ-ում։
Մինչ այդ ԱԱԾ ու Ոստիկանության իմ գործընկերներին պետք է խնդրեմ շատ արագ պարզաբանեն հանրության այն մտահոգությունը, թե «Զինվորի բաժին» պիտակով պահածոներն ինչպես են հայտնվել այդ բորենու կենդանիների պահեստում։
Բոլոր մեղավորները պետք է պատժվեն օրենքի ողջ խստությամբ։
ՊՆ-ից գողացած ամեն մի չոփի համար պետք է պատասխանատվության ենթարկվեն. գեներալ չէ ով ուզում է լինեն»,- գրել է Սանասարյանը: