120 օր կառավարությունը մեզ խաբեց, մեր ականջին լապշաներ կախեց․ Հյուսիս-Հարավի ենթակապալառուների ակցիան (տեսանյութ)
Հյուսիս-Հարավի ավտոճանապարհի ենթակապալառուները բողոքի ակցիա են կազմակերպել կառավարության դիմաց։ Նրանք պահանջում են իրենց աշխատանքի դիմաց չվճարված գումարները։ Դեռևս այս տարվա մայիսին, նույն պահանջով, այսօրվա ակցիայի մասնակիցները փակել էին ավտոճանապարհը։ Այն ժամանակ կառավարությունը նրանց խոստացավ վճարել գումարները։ Բայց երբ 3 ամիս անց, արդեն օգոստոսին, խոստումը չկատարվեց, նրանք դարձյալ փակեցին Հյուսիս-Հարավ ճանապարհի Աշտարակ-Ուջան հատվածը։
Այս անգամ էլ կառավարությունը 45 օր ժամանակ է տվել և խոստացել, որ գումարները կվճարի, սակայն դրանից էլ 55 օր է անցել և կառավարությունը դարձյալ չի պահել խոստումը։
Այժմ ենթակապալառուները որոշել են հանդիպել վարչապետ Նիկոլ Փաշինյանի հետ ու պահանջել իրենց գումարները, սակայն նրանց ոչ ոք չհանդիպեց կառավարությունից։
«120 օր մեզ խաբեցին, մեր ականջին լապշաներ կախեցին․ հիմա ուզում ենք հասկանալ՝ ինչումն ա մեր մեղքը, որ էս օրն ենք ընկել»,- ասացին ակցիայի մասնակիցները՝ հավելելով, որ կառավարությունը և՛ իրենց է խաբում, և՛ «Կորսան Կորվիամ» ընկերությանը։
Մանրամասները՝ տեսանյութում