Ով է փոխգնդապետին կոմայի մեջ գցելու ու տրդատսարգսյանական տեսակ բուծելու պատասխանատուն
Վայոց ձորի մարզպետ ն, ով մարզպետ կարգվեց ու այդպես էլ չհասկացավ ոչ իր պաշտոնի նշանակությունը, ոչ էլ պարտականությունները, մեկը մեկի հետևից բացթողումներ է անում ու հայտնվում սկանդալային պատմությունների մեջ։
Գրագիտության իսպառ բացակայության և անտեղյակության ցցուն, օրինակ, սույն մարզպետին, թեև վստահվել է Հայաստանի կարևորագույն մարզերից մեկը, բայց վերջինս, պարզվում է, կարողանում է ներքաշվել ծեծկռտուքների մեջ և ոչ թե մարզ ղեկավարել։
Տրդատ Սարգսյանն անում է ամեն ինչ, բացի աշխատելուց՝ անհագաբար ծծելով հարկատուներիս հարկերով գոյացած բյուջեից իրեն բաժին հասած աշխատավարձը։
Ու մինչ Վայոց ձորի մարզում պայթում է Ամուլսարի հարցն ու դառնում այս իշխանության թիվ մեկ մարտահրավերը, մարզպետն իր օգնական Հարություն Գրիգորյանի հետ հայտնվում է փոխգնդապետի՝ ծեծի ենթարկելու մեղադրանքի առանցքում:
Իսկ թե ինչ է տեղի ունեցել, նախ համառոտ․ սեպտեմբերի 18-ին Եղեգնաձորում փոխգնդապետ Արա Մխիթարյանի և Վայոց ձորի մարզպետի օգնական Հարություն Գրիգորյանի մասնակցությամբ ծեծկռտուք է տեղի ունեցել, ինչի արդյունքում փոխգնդապետը հայտնվել է կոմայի մեջ։
Մեկ այլ փոխգնդապետ արդեն ցուցմունք է տվել ու պնդել, որ մարզպետ Տրդատ Սարգսյանն էլ է ներկա եղել այդ ծեծկռտուքին։ Հավաստիացրել է, որ եթե Աստված մի արասցե, կոմայի մեջ հայտնված գեներալն ուշքի չգա, նրա կողքին են կանգնելու նրա ընկեր զինվորականները։
Թե ինչ կարող է լինել, երբ ոտքի կանգնեն զինվորականները, պարզ է, բայց թե ինչպես է դուրս գալու այս ամենի տակից այս սխալմունքին Վայոց ձորի վզին փաթաթելու համար Նիկոլ Փաշինյանն, անհայտ է։
Այո՛, Փաշինյանն է պատասխանատու մարզպետական այս «բեսպրիդելի» համար, նա է կրում մի ողջ մարզ անտերության մատնելու համար, հետևաբար, փոխգնդապետի՝ կոմայի մեջ հայտնվելը ու ստեղծված իրավիճակի պատասխանատվությունը կրում է տրդատսարգսյանական տեսակ բուծողը։