Կկարողանա՞ արդյոք Փաշինյանը «Ծռերին» դարձնել զենք ընդդեմ իր մյուս հակառակորդների
Հայաստանի երկրորդ նախագահ Ռոբերտ Քոչարյանի հնարավոր ազատ արձակման հեռանկարը և դրան նպաստող ՍԴ կողմից կայացված որոշումը, կարելի է ասել, իրարանցման մեջ է գցել իշխող քաղաքական մեծամասնությանը և նրա լիդեր Նիկոլ Փաշինյանին։
Հայաստանում թերևս և ոչ մեկից գործող վարչապետն այնքան մեծ սարսափ չի ապրում, որքան երկրորդ նախագահից, իսկ նրան ազատության մեջ տեսնելը, կարելի է ասել՝ չափազանց ռիսկային է դարձնում նրա՝ իշխանության ղեկին մնալը։
Բնական է, որ այս կերպ էլ պետք է լիներ, քանի որ և ոչ մի քաղաքական ուժ այնքան անմիջական աջակցություն չի վայելում աշխարհաքաղաքական ուժային որևէ կենտրոնի կողմից, որքան նախագահ Քոչարյանը Կրեմլից։ Երկու տարի անընդմեջ նույն ջերմության և նույն բարեկամանական բառապաշարով շնորհավորանքները ուղղված նախագահ Քոչարյանին Կրեմլից, չափազանց շատ բան են ասում, ինչին անդրադարձել էինք մեր վերլուծականներից մեկում։
Ու հիմա բնական է, որ Նիկոլ Փաշինյանը պարզապես հայտնվել է ցայտնոտի մեջ։ Նյարդային-հիստերիկ բնավորություն ունեցող մարդկանց համար, իսկ Փաշինյանը, ենթադրելով նրա հանրահավաքային ճղճղոցներից, նման խառնվածքի և բնավորության տեր է որպես մարդ, այդօրինակ վիճակները չափազանց վտանգավոր են ինչպես իրենց, այնպես էլ իրենց շրջապատի համար, քանի որ կարող են մղել անկանխատեսելի, գործողությունների, երբեմն նույնիսկ արկածախնդությունների։
Թերևս Փաշինյանի ու «Սասնա ծռերի» լիդերների հետ հանդիպումը հենց այս կատեգորիայի գործողություններից կարելի է համարել։ Ներքաղաքական թեժ աշնանն ընդառաջ, տապալելով ամեն ինչ Հայաստանում, ինչ հնարավոր էր տապալել, Փաշինյանը հասկանում է, որ մի կողմից անկում է ապրում իր վարկանիշը, մյուս կողմից աճում հանրային դժգոհությունը, և իշխանության առաջ եղած մարտահրավերներին դեմ հանդիման՝ կտրուկ որոշումներ է ստիպված լինելու կայացնել, որոնք հնարավոր է իրավիճակը ոչ միայն թեժացնեն, այլև բերեն ներքաղաքական սրացումների եւ ցնցումների։
Այս ամենի մեջ, «Սասնա ծռերը» թերևս ամենից արմատական ու ծայրահեղական կեցվածք ունեցողներն են։ Նրանցից, եթե անկեղծ լինենք, Փաշինյանն ունի լուրջ վախեր։ Նրանք արդեն իսկ ցույց են տվել իրենց ՊՊԾ գնդի գրավման հայտնի դեպքերի ժամանակ ու հասկանալի է, որ մեկ անգամ զենք վերցրած մարդը, երկրորդ անգամ էլ կվերցնի զենք ու կապստամբի։ Բացի այդ, «Ծռերը» ամենից կատեգորիկ կերպով են արտահայտվում ընդդեմ Փաշինյանի եւ ունեն սկզբունքային տարաձայնություններ և՛ Ամուլսարի, և՛ Ստամբուլյան կոնվենցիայի հարցերում։ Ուստի բնական է, որ հանդիպելով նրանց հետ՝ Փաշինյանը փորձելու է կիրառել «թշնամուց բարեկամ կերտելու» քաղաքականությունը ու սիրաշահելով հավաստիանալ, որ գոնե նրանց մասով խնդիրներ չեն լինի։
Այս բեմականացման մեջ նա խաղարկել է իր սիրած խաղաքարտը՝ «նախկինների ռեւանշիզմը» ու փորձել խաղալ Ժիրայր Սեֆիլյանի, Գարեգին Չուգասզյանի ու մյուսների էմոցիոնալ-հայրենասիրական ապրումների վրա, և հասնել ինչ-որ բանի։ Փաշինյանի նպատակը մեկն է՝ «Ծռերին» դարձնել զենք իր մյուս հակառակորդների դեմ, սակայն արդյոք կկարողանա՞ իրականացնել այս խաղը, դժվար է ասել։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-...
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
