Հոնկոնգի ոստիկանությունը պատրաստվում է շաբաթ օրը դադարեցնել մասշտաբային ցույցերը
Հոնկոնգի ոստիկանությունը արգելել է ցույցեր անել շաբաթ օրը՝ օգոստոսի 31-ին։ Այս մասին տեղեկանում ենք տեղի լրատվամիջոցներից։
Արգելքի փաստաթղթի մեջ նշվում է, որ ոստիկանությունը այդ որոշումն է կայացրել, քանի որ բնակչությունը պիտի պաշտպանվի բռնությունից։ Հայտարարության մեջ նաև նշվում է, որ ցույցերի ժամանակ վնասվածքներ են ստացել շատ մարդիկ, օգտագործվել են բենզինե շշեր ու տան պայմաններում պատրաստված զենքեր։
Ցուցարարները պատրաստվում են շաբաթ օրը շարունակել իրենց հանրահավաքները։ Հիշեցնենք, որ օրեր առաջ Հոնկոնգի ցույցերի ժամանակ ոստիկանները առաջին անգամ օգտագործեցին ջրցան մեքենա։