«Իջևանի քաղաքապետը նենց ա անում, որ ես ձենս կտրեմ»․ ազատամարտիկից փորձում են խլել իր տարածքը (տեսանյութ)
Տավուշի մարզի Իջևան քաղաքի բնակիչ, ազատամարտիկ, հաշմանդամություն ունեցող Արամայիս Համբարձումյանն ինչպես նախկին, այնպես էլ նոր կառավարությանն է ներկայացրել իր խնդիրն ու մնացել անպատասխան։
Քաղաքացին համոզված է, որ Իջևանի քաղաքապետ Վարդան Ղալումյանը չարաշահել է իր դիրքն ու իրեն կանգնեցրել խնդրի առաջ։
NEWSPRESS.am-ի հետ զրույցում Սպանդարյան փողոցի առաջին շենքի 5-րդ բնակարանի բնակիչ Համբարձումյանը պատմում է, որ 2012թ.-ին Իջևանի քաղաքապետարանի կողմից 99 տարվա վարձակալության հիմունքներով իրեն հատկացվել է ամայի հողատարածք, որտեղ ինքը կառուցել է սպասարկման սրահ՝ նպատակ ունենալով այն օգտագործել գյուղատնտեսական մեծ չափերի հասնող տեխնիկայի վերանորոգման համար: Այժմ, երբ ամեն ինչ պատրաստ է, նրանից փորձում են տարածքը վերցնել։
Նշված շինությունը կառուցելիս՝ սպասարկման սրահի նկուղային հարկի համար, որը նույնպես գրանցված է որպես սպասարկման տարածք, խոչընդոտներ չկային, քանի որ առջևի տարածքն ամայի էր, իսկ հարևանությամբ գտնվող երկու հողակտորների մուտքերը հակառակ փողոցից էին: Համբարձումյանը հինգ տարի շարունակ դիմել է քաղաքապետարան՝ այդ ամայի տարածքները ևս իրեն հատկացնելու խնդրանքով, սակայն քաղաքապետարանը մերժել է նրան:
Ավելին՝ տեսնելով, որ Արամայիս Համբարձումյանը բողոքում է, քայլեր են ձեռնարկում նրան լռեցնելու համար։
«Իջևանի քաղաքապետը նենց ա անում, որ ես ձենս կտրեմ»,-ասում է մեր զրուցակիցը։
Մանրամասները՝ տեսանյութում.
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
