Վաղը ժամը 12-ին կլինեմ Թեմուրնոցում, Արթուր Իսպիրյան, եթե դու դանակը ձեռքդ չգաս՝ ականջներս կտրելու, ես կհասկանամ, որ դու տղամարդ չես. Նարեկ Մալյան (տեսանյութ)
Հրապարակախոս, ՀՀ ոստիկանապետի նախկին խորհրդական Նարեկ Մալյանը ֆեյսբուքյան լայվի ժամանակ պատմել է Կասկադում Արթուր Իսպիրյանի և Արթուր Դանիելյանի հանդիպման մասին:
Նա նշել է, որ ինքը վստահ է, որ նրանց միջև նույնիսկ կոնտակտ չի եղել: Եթե Արթուր Դանիելյանն Արթուր Իսպիրյանին իր երեխաների ներկայությամբ որևէ բան աներ, Նարեկ Մալյանը պնդում է, որ ինքն այդ դեպքում կդադարեցներ իր շփումը Դանիելյանի հետ:
Ու քանի որ, ըստ Մալյանի, Իսպիրյանը խոստացել է կամ կոչ է արել կտրել Մալյանի ականջները, ապա Մալյանը հայտնում է իր գտնվելու վայրն ու ժամը.
«Վաղը ժամը 12-ին կլինեմ Կասկադում՝ «Թեմուրնոցում», դրսում նստած սուրճ խմելուց: Պարբերաբար այնտեղից եթեր կմտնեմ ու կսպասեմ քեզ, որ դանակը ձեռքդ գաս, իմ ականջները կտրես: Ուրեմն եթե դու չգաս, դա չանես, իմ ականջները չկտրես, ես քո անունը կփոխեմ, ես կհասկանամ, որ դու տղամարդ չես, որովհետև, սովորաբար, տղամարդիկ իրենց խոսքի տեր են լինում: Եվ ես քո մասին այսուհետխոսելուց կասեմ ոչ թե Արթուր Իսպիրյան, այլ Արևիկ Իսպիրյան»: