Վալերիյ Օսիպյանը հեռախոսազրույց է ունեցել Վարդգես Գասպարիի հետ
ՀՀ ոստիկանությունը պարզաբանում է տարածել Երևանի ընդհանուր իրավասության դատարանի Ավան-Նոր Նորք նստավայրի մոտ տեղի ունեցած միջադեպին, երբ ոստիկանները չէին թույլատրել ակտիվիստ Վարդգես Գասպարիին մուտք գործել դատարան, իսկ վերջինս իր հերթին դիմել է ր ոստիկանապես Վալերիյ Օսիպյանին:
«Այսօր Երևանի ընդհանուր իրավասության դատարանի Ավան-Նոր Նորք նստավայրի մոտ ծառայություն իրականացնող ոստիկանները, խորհրդակցելով կարգադրիչների հետ, որոշում են կայացրել ավելորդ լարվածությունից զերծ մնալու համար՝ ձեռնպահ մնալ Վարդգես Գասպարիի մուտքը դատարան թույլատրելուց:
Վարդգես Գասպարին չի համաձայնել այդ որոշման հետ և կոչով դիմել է ՀՀ ոստիկանության պետին: Վալերիյ Օսիպյանը, որն աշխատանքային այցով գտնվում է արտերկրում, հեռախոսային կապ է հաստատել Վարդգես Գասպարիի հետ և վստահեցրել, որ որևէ խնդիր չկա, ոստիկանությունն ի վիճակի է ապահովելու ցանկացած քաղաքացու անվտանգությունը, իսկ նրա մուտքը դատարան թույլատրելը կարգադրիչների իրավասությունն է»,- ասված է ոստիկանության պարզաբանման մեջ։