Տույը ծնոտին ստանալու ու ասֆալտին պառկելու փոխարեն այլ բան ստացավ
Հայտնի քրեական հեղինակություն Տույն, ով շատ ապահով ծվարել է վարչապետ Նիկոլ Փաշինյանի թևի տակ, այլևս օրենքի առաջ որևէ հարց ու պատասխան չունեցող անձ է։
Նրա նկատմամբ հարուցված քրեական գործը կարճվել է։
Հիշեցնենք, որ կասեցված քրեական գործը վերաբերում է «Տույ» մականվամբ հայտնի քրեական հեղինակություն Արթուր Ղազարյանին, ով Յուրի Երեմյանի և 7-8 տղամարդկանց հետ միասին քրեական հեղինակություն «Սարատովի Արտյոմի» օգնությամբ առևանգել է, 7-8 ժամ պահել անազատության մեջ, ծեծի ենթարկել և սպանության սպառնալիքներ տալու միջոցով պահանջել հրաժարվել նրան պատկանող հացի արտադրամասի իր մասնաբաժնից, որի դիմաց խոստացել են վճարել 150.000 ԱՄՆ դոլար:
Ա.Հակոբյանը ստիպված համաձայնել է կատարել վերջինների պահանջը, սակայն նրան վճարել են ընդամենը 10.000 ԱՄՆ դոլար:
Իշխանության ղեկավարը, որն անհաշտ պայքար էր մղում քրեական հեղինակությունների դեմ, նրանց պառկեցնում ասֆալտներին ու ծեփում պատերին, մի լավ հասցնում նրանց ծնոտներին, չգիտես ինչու, նույնը չի անում Տույի հետ։
Հավանաբար, դրա պատճառն այն է, որ Տույն աջակցել է Փաշինյանի ղեկավարած «Իմ քայլը» դաշինքի տարբեր թեկնածուներին։
Նա մասնակցել է նաև Տավուշում վարչապետ Նիկոլ Փաշինյանի հետ կայացած հանդիպմանը, որը կազմակերպվել էր նախորդ տարվա օգոստոսին։
Տույն իր ակտիվ ծառայություններն է մատուցել Նիկոլ Փաշինյանին, իսկ վարձատրությունն իրեն երկար սպասել չտվեց․
Նախ Տույն աշխատանքի տեղավորեց իր մտերմուհուն՝ նրան դարձնելով Անձնագրային և վիզաների վարչության Մաշտոցի բաժանմունքի պետ:
Նշենք, որ նրա մտերմուհին՝ հայտնի Յոլչոկան, նախորդ աշխատանքից ազատվել էր մասնագիտական 0 կարողությունների պատճառով։
Հիմա էլ Տույն ազատվում է քրեական հետապնդումներից։
Փաշինյանը նրանից կերտում է իսկական ազնիվ հայորդի, և չի բացառվում, որ մոտ ապագայում Տույը զբաղեցնի շատ կարևոր պոստ կամ պաշտոն։
Ու սա կոչվում է նոր ու թավշյա Հայաստան․ քրեածին տարրերն այդպես քրեածին մնալու և ճաղերից այն կողմ չհայտնվելու համար իրենց անձնական ծառայություններն են մատուցում Փաշինյանին, օլիգարխները՝ հոգում Փաշինյանի ընտանիքի ու նրա քաղաքական թիմի՝ մշտապես բրենդային հագնվելու հոգսը ու օլիգարխից դառնում խոշոր սեփականատեր:
Ու սա կոչվում է նոր ու թավշյա Հայաստան՝ հատկապես թավշյա ծառայողների համար։
NEWSPRESS.am