Պարո՛ն վարչապետ, Ձեր ենթակաները Ձեզ խաբում են․ Իջևանի քաղաքապետն ուզում է բերանս փակել․ իջևանցի (տեսանյութ)

Իջևանի քաղաքացի Արամայիս Համբարձումյանը կոչ է անում վարչապետ Նիկոլ Փաշինյանին ու պատկան բոլոր մարմիններին վերաբացել և ուսումնասիրել իր դիմումները։ Բանն այն է, որ քաղաքացին համոզված է, որ Իջևանի քաղաքապետ Վարդան Ղալումյանը չարաշահել է իր դիրքն ու իրեն կանգնեցրել խնդրի առաջ։

Սպանդարյան փողոցի առաջին շենքի 5-րդ բնակարանի բնակիչ Համբարձումյանին 2012-ին Իջևանի քաղաքապետարանի կողմից 99 տարի վարձակալության կարգով հատկացվել է ամայի հողատարածք, որտեղ Համբարձումյանը կառուցել է սպասարկման սրահ՝ նպատակ ունենալով այն օգտագործել գյուղատնտեսական մեծ չափերի հասնող տեխնիկայի վերանորոգման համար: Այժմ, երբ ամեն ինչ պատրաստ է, նրանից փորձում են տարածքը վերցնել։

Ինչպես նախկին, այնպես էլ ներկա իշխանության օրոք Համբարձումյանը դիմել է կառավարությանը, և նշել, որ քաղաքապետը անօրինական քայլեր է արել իր հանդեպ։ 

Սակայն արդյունքում քաղաքապետը հետին թվով որոշումներ է փոխել, որպեսզի ջրից մաքուր դուրս գա։ Նա կոչով դիմեց վարչապետ Նիկոլ Փաշինյանին։

«Պարո՛ն վարչապետ, Ձեր ենթակաները Ձեզ խաբում են․ Իջևանի քաղաքապետն ուզում է բերանս փակել»,-ասաց Իջևանի քաղաքացին։

Մանրամասները՝ մեր տեսանյութում