«Շենքը քանդվելու է երեխեքիս վրա՞»․ Լենուղու վթարային շենքի բնակիչն ընտանիքով գյուղապետարան է տեղափոխվել
Արմավիրի մարզի Լենուղի համայնքի 4-րդ կարգի վթարային շենքի բնակիչներից մեկը՝ Մկրտիչ Սահարյանը, կնոջ և 3 անչափահաս երեխաների հետ միասին տեղափոխվել է համայնքապետարանի շենք՝ բնակություն հաստատելու։
NEWSPRESS.am-ի հետ զրույցում այդ մասին ասաց Մկրտիչ Սահարյանը։
Ավելի վաղ անդրադարձել էինք շենքերի խնդրին։ Արդեն տևական ժամանակ Լենուղու վթարային շենքերի բնակիչները բողոքում են, իրենց անմխթար վիճակից։ Շենքերը խարխլված վիճակում են և ամեն պահի առկա է փլուզման վտանգը։
Նախորդ իշխանությունից օգնություն չստանալով, ու նոր իշխանությունից անտեսվելով՝ բնակիչները բողոքի ակցիաներ են կազմակերպել, սակայն նրանց պահանջը մնացել է անկատար։
Մեզ հետ զրույցում Մկրտիչ Սահարյանը տեղեկացրեց, որ օրերս դիմել է Արմավիրի մարզպետ Համբարձում Մաթևոսյանին, ով մինչ այդ շուտափույթ լուծում էր խոստացել։
«Գնացի մարզպետարան, ասացին վարչապետին տեղյակ ենք պահել, մինչև տարեվերջ կլուծվի հարցը»,-ասաց մեզ հետ զրույցում վթարային շենքի բնակիչը։ Նա նկատեց, որ այդպես նախորդ իշխանությունն էլ էին հույսով պահում, բայց շենքերը չեն սպասում և քանդվում են։
Երեկ, մարտի 14-ին, բնակիչները եկել էին կառավարություն, սակայն նրանց այնտեղ ոչ ոք չի լսել։ Վերադառնալուց հետո, Մկրտիչ Սահարյանն ընտանիքով տեղափոխվել է գյուղապետարան, քանի որ չի ցանկանում այլևս վտանգել իր երեխաների կյանքը։
Թե որքան կմնա նա գյուղապետարանում առայժմ պարզ չէ․ թերևս այնքան, քանի դեռ վթարային բնակելիների բնակիչների հարցը լուծված չէ։
Հիշեցնենք, որ այս ընտանիքի նման կա ևս 21 ընտանիք։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Անսպասելի ստուգումնե՞ր, թե՞ տեսախցիկի համար կազմակերպված այցեր
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
Հորդորում եմ խմելու և կենցաղային նպատակներով օգտագործել միայն համայնքի տրամադրած կամ շշալցված ջուրը․...
