Ադրբեջանի զորավարժությունը Փաշինյան-Ալիև հանդիպման համատեքստում է և ճնշման փորձ
Հայաստանի պաշտպանության նախարարությունը ենթադրվում է, որ Ադրբեջանում կազմակերպվելիք զորավարժությունը Փաշինյան-Ալիև հանդիպման համատեքստում է և ճնշման փորձ:
«Համաձայն Վիեննայի 2011թ. Փաստաթղթի 5-րդ գլխի 40.1.1 ենթակետի զորավարժությունները ենթակա են հայտարարման, եթե ընդգրկված են`
1.ամենաքիչը 9000 մարդ, ներառյալ աջակցող զորքերը, կամ,
2.ամենաքիչը 250 մարտական տանկեր, կամ,
3.ամենաքիչը 500 մարտական զրահապատ մեքենաներ, կամ,
4.ամենաքիչը 250 ինքնագնաց և հետագլոր (քարշարկվող) հրետանային միջոցներ, ականանետեր և ռեակտիվ համազարկային միջոցներ (100 մմ և ավել):
Վիեննայի 2011թ. Փաստաթղթի արդիականացման վերաբերյալ քննարկումների ժամանակ երկրները համաձայնության են եկել հայտարարել այն զորավարժությունը, որը ոչ թե առաստաղներով է սահմանված, այլ համարվում է խոշորագույնը (առաստաղներն այստեղ չեն գործում), որովհետև ներկայումս խոշորագույն զորավարժություն իրականացնող երկրները հազվագյուտ են:
Միաժամանակ, համաձայն Վիեննայի 2011թ. փաստաթղթի VII մասի 66-րդ կետի պահանջների, եթե հաշվետու տարում նախապես հայտարարված զորավարժությունից բացի մասնակից երկիրը պլանավորել է իրականացնել ծավալներով ավելի մեծ զորավարժություն, ապա պարտավոր է հնարավորինս սեղմ ժամկետներում և սահմանված կարգով այդ մասին ծանուցել մասնակից բոլոր երկրներին:
Տեղեկացնում եմ, որ ս.թ. մարտի 11-ից 15-ը ժամանակահատվածում ԱՀ զինված ուժերը նախատեսում են իրականացնել խոշորագույն զորավարժություն հետևյալ կազմով.
1. անձնակազմ` 10 000 մարդ,
2. մինչև 500 մարտական տանկեր և այլ զրահապատ տեխնիկա,
3. ամենաքիչը 300 միավոր տարբեր տրամաչափի ինքնագնաց և հետագլոր (քարշարկվող) հրետանային միջոցներ, ականանետեր, հրթիռներ և ռեակտիվ համազարկային միջոցներ,
4. բանակային ավիացիայի ավելի քան ավելի քան 20 միավոր մարտական ինթնաթիռներ և ուղղաթիռներ:
Զորավարժությունը կրելու է հարձակողական բնույթ: Զորավարժության խնդիրներն են.
- զորքերի նախապատրաստում հարձակողական գործողությունների,
- հարված պայմանական հակառակորդին մի քանի ուղղություններով, խախտելով իր պաշտպանական և մարտական դասավորվածությունը,
- հրթիռային և հրետանային հարվածներ հասցնել հակառակորդին, ոչնչացնելով նրա ռազմական և ռազմավարական նշանակության կարևոր կառույցները,
- նոր տեսակի սպառազինության և տեխնիկայի փործարկումներ:
Տեղեկացնում եմ, որ ԱՀ-ն ՎՓ-11-ի շրջանակներում տրվող տարեկան տեղեկատվությամբ վերոնշյալ զորավարժության վերաբերյալ չի ծանուցել մասնակից երկրներին և նման դեպքերում, համաձայն վերը նշված կետի, ԱՀ պարտավոր է այդ մասին ծանուցել հնարավորինս անհապաղ, սակայն ԵԱՀԿ տեղեկատվական ցանցով զորավարժության անցկացման մասին ԱՀ կողմից դեռևս ծանուցում չի ստացվել:
Եզրակացություն.
Ենթադրվում է, որ այս զորավարժությունը կազմակերպվել է Փաշինյան-Ալիև հանդիպման համատեքստում և ճնշման փորձ է, ի պատասխան այն հայտարարությունների որ, ազատագրված տարածքներից Հայաստանը ոչ մի տարածք չի չզիջելու Ադրբեջանին»,-ասված է ՊՆ խոսնակ Արծրուն Հովհաննիսյանի հրապարակած հայտարարության մեջ։
Հիշեցնենք, որ Ադրբեջանը մարտի 11-15-ը պաշտպանության նախարար Զաքիր Հասանովի հրամանատարությամբ անցկացնելու է լակնածավալ զորավարժություններ։ Պաշտպանության նախարարության տարածած հաղորդագրությունը հրապարակել են ադրբեջանական լրատվամիջոցները։
Թե երկրի որ հատվածում են ընթանալու զորավարժությունները, չի հստակեցվում։ Նշվում է, որ դրանցում ներգրավված են լինելու 10 հազար զինվորականներ, մինչև 500 միավոր տանկ, զրահապատ տեխնիկա, տարբեր տրամաչափի մինչև 300 հրթիռահրետանային միավորներ, ականանետներ, ավիացիոն միջոցներ և այլն։
Զորավարժությունների ընթացքում իրականացվելու են հարձակողական բնույթի գործողություններ, մի քանի ուղղություններով պայմանական թշնամուն կհասցվեն հարվածներ, կհասցվեն հրթիռահրետանային հարվածներ թշնամու թիկունքում գտնվող ռազմավարական նշանակություն ունեցող կառույցներին։