Սահմանափակել զանգվածային միջոցառումները. գրիպի դեմ պայքարի մասին ԱՆ-ի զգուշացումները

Հայաստանի Հանրապետության առողջապահական և աշխատանքի տեսչական մարմինը կրկին տեղեկացնում և հորդորում է.

Գրիպի, օդակաթիլային և սուր շնչառական վարակների (սեզոնայնությամբ պայմանավորված) տարածումը կանխարգելելու նպատակով ՀՀ առողջապահական և աշխատանքի տեսչական մարմինը դեկտեմբեր-հունվար ամիսներին մանկական նախադպրոցական կազմակերպություններին և հանրակրթական ծրագրեր իրականացնող ուսումնական հաստատություններին իրազեկել է գործող սանիտարական նորմերի և կանոնների պահանջների մասին և հորդորել.

. Նախադպրոցական կազմակերպություններում առավոտյան ընդունելության ժամանակ ծնողներից տեղեկանալ երեխայի առողջական վիճակի մասին, կատարել ամենօրյա ջերմաչափում:

. Հանրակրթական ծրագրեր իրականացնող ուսումնական հաստատության մուտքի մոտ իրականացնել երեխաների և ուսուցչական անձնակազմի զննում սուր շնչառական վարակիչ հիվանդություններին բնորոշ ախտանշաններով անձանց հայտնաբերելու համար:

. Հայտնաբերված հիվանդ և հիվանդության կասկածով երեխաներին չընդունել կազմակերպություն, օրվա ընթացքում հայտնաբերված կասկածելի հիվանդներին մեկուսացնել:

. Կատարել սենքերի օդափոխություն և խոնավ մաքրում:

. Սահմանափակել զանգվածային միջոցառումները:

. Սենքերում պահպանել առնվազն 18-22 ցելսիուս ջերմաստիճան։

Առողջապահական և աշխատանքի տեսչական մարմինը հիշեցնում է, որ նշված սանիտարական նորմերը չպահպանելու համար նախատեսված է վարչական պատասխանատվություն։

Խորհրդատվություն ստանալու նպատակով կարող եք դիմել՝ 0047, ք. Երևան, Նորք-Մարաշ,Ա. Արմենակյան 129, հեռ.՝ (374-10) 65-05-53/32, 65-46-95/32, Էլ. փոստ՝[email protected]։