Հայտնի գազավիկը մսխում է ժողովրդից «քերած» միլիոնները
Այս տարվա վերջին ավարտվում է ՌԴ հետ գազային պայմանագրի ժամկետը, համաձայն որի՝ ռուսական գազը ՀՀ սահմանին արժե 150 դոլար՝ 1000 խորանարդ մետրի դիմաց, սակայն վերջնական սպառողին գազը հասնում է 285 դոլարով:
Վաղը՝ դեկտեմբերի 27-ին, վարչապետի պաշտոնակատար Նիկոլ Փաշինյանն աշխատանքային այցով կմեկնի Ռուսաստանի Դաշնություն՝ Մոսկվա, որտեղ նախատեսված է նրա հանդիպումը ՌԴ նախագահ Վլադիմիր Պուտինի հետ: Խոսվում է այն մասին, որ Փաշինյանը կփորձի Պուտինի հետ համաձայնության գալ գազի գինը չթանկացնելու համար: Խնդիրն այն է, որ պայմանագրի ժամկետի ավարտից հետո, այսինքն հունվարի մեկից, սահմանին գազի գինը կլինի 215 դոլար՝ 1000 խորանարդի դիմաց:
Ստացվում է՝ այսօր ՌԴ իշխանությունները շանտաժի միջոցով փաստի առաջ են կանգնեցնում մեր երկրի ղեկավարությանը՝ ներկայացնելով Արցախի մի քանի շրջանների հանձնման փաթեթ: Եթե Փաշինյանը համաձայնի Մոսկվայի շանտաժին՝ գազի գինը սահմանին կմնա նույնը, հակառակ դեպքում՝ կդառնա 215 դոլար:
Հասկանալի է, որ գազի գնի թանկացմամբ երկրում շղթայական թանկացումներ կսկսվեն: Սա խոսում է այն մասին, որ դժվարին իրադրության մեջ են գտնվում մեր երկրի ղեկավարությունը և ժողովուրդն՝ առհասարակ:
Զուհագեռ իրականությունում, Հայաստանում բարգավաճող ու զարգացող գազավիկները օր օրի կարողանում են միլիոններ դիզել: Թվում էր՝ Կարեն Կարապետյանի՝ «գազավիկների դարաշրջանը» մոտեցել էր ավարտին, սակայն այսօր ևս «Գազպրոմ Արմենիա»-ի պաշտոնյաները կարողանում են ի հաշիվ ժողովրդի վճարումների, ատկատների և «գազին օդ տալու»՝ հսկայական հարստություն ձեռք բերել:
NEWSPRESS.am-ի լրագրողի անցկացրած հետաքննության արդյունքում պարզվել է, որ այդպիսի միլիոնատեր գազավիկ է պաշտոնավարման ընթացքում դարձել «Գազպրոմ Արմենիա» ընկերության Արարատի մասնաճյուղի տնօրեն Էդգար Ավոյանը: Ստորև ներկայացնում ենք հասցեներն ու շինությունների լուսանկարները, որոնք Ավոյանը կարողացել է ձեռք բերել վերջին տարիների ընթացքում:
Նշենք, որ Էդգար Ավոյանի քաղաքական հենարանը մինչև հեղափոխությունը բավականին ամուր է եղել: Նա իր պաշտոնը ստացել է վարչապետ Հովիկ Աբրահամյանի կառավարման շրջանում, գործել է նրա հովանու ներքո, նաև թիվ 5 ընտրատարածքից պատգամավոր ընտրված ՀՀԿ-ական Մուրադ Մուրադյանի սանիկն է: Նախորդ ընտրություններին սատարում էր Ավշարի Արայիկին, իսկ այժմ, ինչքան էլ զարմանալի թվա՝ ՔՊ-ի կողքին է:
Իրավապահ մարմինների ուշադրությունն ենք հրավիրում ինչպես բոլոր ժամանակների իշխանությունների «տասովչիկ» Էդգար Ավոյանի, այնպես էլ այլ «իշխանիկների» գործունեության վրա:
Ի դեպ, նրան ճանաչողները պնդում են նաև, որ հավանաբար ստացած ատկատների հաշվին՝ նա կարողանում է շռայլ ժամանակ անցկացնել տարբեր խաղատներում և ռեստորաններում, ապրել ցոփ ու շվայտ կյանքով:
Մեր տեղեկություններով՝ ստորեւ նշված հասցեներում գտնվող շենք-շինությունները, հողամասերը պատկանում են Էդգար Ավոյանին, սակայն տեղեկությունը փաստելու համար հարցում կուղարկենք պետական գույքի կառավարման վարչություն և պատասխանը մեր ընթերցողներին կներկայացնենք առանձին հրապարակմամբ:
Այստեղ պետք է նկատել, որ Նիկոլ Փաշինյանը նախ պետք է ներքին թշնամու դեմը կարողանա առնել, նոր միայն բարձր ամբիոններում փորձի առ ու ծախի մեջ թաթախվել:
Հուսանք՝ վաղը Նիկոլ Փաշինյանը կկարողանա պահել ազգային շահը և դիվանագիտական հմտությամբ մանևրել՝ ՌԴ իշխանությունների ներկայացրած փաստաթղթերը ստորագրելուց առաջ:
Շարունակելի...