Ում թողտվությամբ է Քաղավիացիայի պետը հանդիպել ադրբեջանցի պաշտոնյայի հետ․ բարիկադնե՞ր են կոտրվել
2018թ. հուլիսի 10-ից Քաղաքացիական ավիացիայի կոմիտեի նախագահ նշանակված Տաթևիկ Ռևազյանը սկսել է ինքնագործունեությամբ զբաղվել։
Պարզվում է՝ Ռևազյանն իր 12-օրյա գործուղման ընթացքում որոշել է առանց որևէ մեկի հետ համաձայնեցնելու, հանդիպում ունենալ Ադրբեջանի քաղավիացիայի վարչության պետի հետ։
Հիշեցնենք, որ Հայաստանն Ադրբեջանի հետ ունի շատ լուրջ խնդիր ոչ միայն ցամաքում, այլ նաև՝ օդում․ թշնամին բազմիցս սպառնացել է խոցել Ստեփանակերտ թռչող քաղաքացիական ինքնաթիիռները։
Հիմա պարզվում է, որ Դանիայում ապրած ու մեծացած երիտասարդ պետը կա՛մ տեղյակ չէ Ադրբեջանի այս հայտարարություններից, կա՛մ որոշել է, ինչպես իր շեֆ Փաշինյանն է ասում, բարիկադները քանդել և հանդիպել ադրբեջանցի իր գործընկրոջ հետ։
Հետաքրքիր է, որ Ռևազյանն ադրբեջանցի գործընկերոջ հետ հանդիպելու մասին տեղյակ չի պահել նաև ՀՀ արտաքին գործերի նախարարությանը, և ինչպես լուրը հրապարակած 168․am կայքի հետ զրույցում ԱԳՆ խոսնակ Աննա Նաղդալյանն է ասել, այդ հանդիպումը նախապես ծրագրված չի եղել և կրել է ոչ ֆորմալ բնույթ։
Հարց է առաջանում՝ իսկ ո՞ւմ թողտվությամբ է Տաթևիկ Ռևազյանը ոչ ֆորմալ հանդիպում անցկացրել, թե՞ պետական կառավարման ապարատն այն վիճակում է, որ արդեն ոչ ֆորմալ հանդիպումներն են ֆորմալի տակ սղղացվում․ էլ չենք խոսում դրանց համար հարկատուների հաշվից վատնված գումարների մասին։
Հետաքրքիր է, որ Տաթևիկ Ռևազյան-Ադրբեջանի քաղավիացիայի վարչության պետ հանդիպման մասին որևէ հրապարակում չկա Քաղաքացիական ավիացիայի պաշտոնական կայքում և ֆեյսբուքյան էջում, ինչը ևս փաստում է պետի ինքնագործունեության և այն ծածուկ պահելու մասին։
Հետաքրքիր է՝ Ռևազյանի գաղտնի օպերացիայի բացահայտումից հետո, արդյոք Փաշինյանը նրան հաշվետվության կկանչի՞՝ այդկերպ չխրախուսելով ծածուկությունը կառավարությունում, կամ կանխելով նմանատիպ գործելոճի շարունակությունը պետական կառավարման ապարատում։
Իսկ մինչ այդ, ցանկալի էր սրա վերաբերյալ լսել Ռևազյանի պարզաբանումները․ գուցե նա կարողացե՞լ է ադրբեջանցի իր գործընկերոջից ստանալ երաշխիքներ, որ Ստեփանակերտ թռչող ինքնաթիռները չեն խոցվի․ գուցե Ռևազյանին հաջողվե՞լ է ցրել Ադրբեջանի երկնքում կուտակված սև ամպերը։
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Բերման են ենթարկել Լիլիթ Ավետիսյանին
Արցախից խաղաղապահների շտապ դուրս գալը կարող է կապված լինել Ադրբեջանում սպասվող զարգացումներով․ Դանիե...
Արմեն Չարչյանի հորեղբոր դուստրը մասնակցել է Աննա Հակոբյանի 1մլն դրամանոց բարեգործական ընթրիքին (լուս...
Վարդան Ղուկասյանը կարևոր հայտարարություն է արել (տեսանյութ)
Վա՜յ, նայա հլա, ինչ բնությու՜ն, նայա՜,Փաշինյան ջան, մեռնեմ գլխուդ դխկ ու ցխկին. Խոպանչին ուղերձով դի...
Քրեական պատմություններով հայտնի նորատուսցի Արայի «յաշիկը» երթևեկում է հանդիպակաց գոտով (տեսանյութ)
Ովքեր են մասնակցել Աննա Հակոբյանի «խորհրդավոր» ընթրիքին
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
Մարդիկ եկել էին սատարելու, որ սա մեր հայրենիքն է, և նահանջելու տեղ չկա․ «Տավուշը հանուն հայրենիքի»
