Այսօր թեյի միջազգային օրն է
Այսօր աշխարհը նշում է թեյի միջազգային օրը: Թեյի հայրենիքը համարվում է Չինաստանը, սակայն այսօր թեյն աճեցվում է շատ երկրներում: Աշխարհը կարծես բաժանված է երկու մասի՝ երկրներ, որտեղ նախընտրում են թեյ և երկրներ, որտեղ նախընտրում են սուրճ:
Անգլիան աշխարհին հայտնի է թեյի հանդեպ իր հատուկ սիրով, այստեղ օրական խմում են շուրջ 165 միլիոն բաժակ թեյ: Երբ 17-րդ դարում թեյը հասավ Անգլիա, տեղի բնակիչները ալկոհելը փոխարինեցին թեյով, ինչն էլ փրկեց նրանց անխուսափելի ալկոհոլիզմից:
Թեյի միջազգային օրը Չինաստանում, Շրի Լանկայում, Հնդկաստանում նշում են որպես թեյի պլանտացիաներում աշխատողի օր: