«Հայաստանի խուլերի միավորում» ՀԿ նախագահն ահազանգում է՝ մի խումբ շահառուներ ապօրինություններ են արել (տեսանյութ)

Այս տարվա հունիսից «Հայաստանի խուլերի միավորում» ՀԿ-ի մոտ 100 շահառու փակել է Մշակույթի տունը և խնդիրներ առաջացրել ինչպես միավորման աշխատանքի և մյուս շահառուների, այնպես էլ տարածքը վարձակալողների համար:

Այդ մասին «Անդրադարձ» մամուլի ակումբում կազմակերպված ասուլիսի ժամանակ հայտնեցին միավորման նախագահ Գրիգոր Գրիգորյանն ու միավորման իրավաբան Արթուր Մկրտչյանը: Նրանց խոսքով՝ այս առնչությամբ քրեական գործեր են հարուցվել:

Միավորման ներսում խնդիրներն առաջացել են մոտ 3 տարի առաջ: Սկզբում ՀԿ-ի մի խումբ շահառուներ, լսողության հետ խնդիրներ չունեցող մարդկանց հետ միասին, հայտարարել են, թե միավորման նախագահ Գրիգորյանը սեփականացրել է շենքի մի հատված, գույքը և վաճառել: Ավելի ուշ, մասնագիտական ուսումնասիրությունների արդյունքում, պարզվել է, որ նման բան չկա՝ յուրացում չի եղել:

Հետո շահագրգիռ անձինք սկսել են այլ դժգոհություններ ներկայացնել: Ինչպես Գրիգոր Գրիգորյանը, այնպես էլ Արթուր Մկրտչյանը նկատում են, որ կոնֆլիկտը հրահրում է Գրիգոր Գրիգորյանի եղբայրը՝ Անդրանիկ Գրիգորյանը:

Այս խնդրի լուծումն այժմ իրավական տիրույթում է: Սակայն մինչ այն կհանգուցալուծվի՝ տեղի են ունեցել մի շարք ապօրինինություններ: Վերջերս էլ տեղի է ունեցել գաղտնի համագումար: Այն ի սկզբանե պաշտոնապես հայտարարված է եղել նոյեմբերի 28-ին, սակայն մի քանի տասնյակ մարդիկ հավաքվել և գաղտնի քվեարկություն են արել՝ ընտրելով իրենց նախագահին: Իրավաբան Արթուր Մկրտչյանը վստահեցնում է, որ հակառակ կողմը վստահ է եղել իր պարտության մեջ, ուստի դիմել է անօրինական քայլի, որը, սակայն, չեղյալ կհամարվի, և նոյեմբերի 28-ին կկայանա իրական համագումարը՝ ինչպես և նախատեսված էր:

Միավորման նախագահը գործի առնչությամբ հայտնեց նաև այլ մանրամասներ:

Մանրամասները՝ NEWSPRESS.am-ի տեսանյութում.