Մարալիկ, Մարալիկ. ի՞նչ է կատարվել «քիփլիկ» քաղաքում
«»Թավշյա հեղափոխությունից հետո երկրում արձանագրվել է ոչ թավշյա իրադարձություն՝ ի հեճուկս Նիկոլ Փաշինյանի` ձեռքերը վեր կոչերին, Մարալիկում ոմանք ձեռքերը ցած են իջեցրել ու` տուր թե կտաս ԱդեկվաԴ-ի նկարահանող խմբին:
15-20 հոգանոց խումբը կազմակերպված հարձակում է գործել նկարահանում իրականացնող խմբի վրա, որի արդյունքում խմբի տղաները՝ Նարեկ Մալյանը և Արթուր Դանիելյանը հայտնվել են Մարալիկի ոստիկանությունում: Հարձակվողների կողմից փորձ է արվել խլել տեսախցիկը։ Վնասվել է գույք։
Եթե նման դեպք արձանագրվեր թավշյա հեղափոխության պաշտպանների հետ, ապա Հայաաստանում մարդու իրավունքների պաշտպանության մասին աջ ու ձախ բղավողները կշտապեին զեկույցներ կազմել, ասուլիսներ հրավիրել և բարձրագոչ արտահայտություներով դատափետել ու անարգանքի սյունին գամել հարձակվողներին՝ ապահովելով «գործի իմիտացիա՝ գրանտի դիմաց» հայտնի թեզը, բայց, քանի որ հարձակվել են թավշյա գաղափարները քննդատողների վրա, ապա դա կարելի է անտեսել:
Խոշոր հաշվով, կատարվածը ցույց է տալիս, որ սահմանափակվել է խոսքի ազատությունը, լրագրողական աշխատանքը և խախտվել սահմանադրական կարգը:
Տեղի ունեցած հարձակումն ու դրա նկատմամբ իշխանությանը սպասարող ԶԼՄ-ների անտարբերությունը փաստում է, որ երկիրը ևս մեկ քայլով գնում է դեպի բռնապետական դիկտատուրայի հաստատում՝ թավշյա կարգախոսի ներքո:
Մարալիկի՝ պատվերով հարձակումը վերահաստատում է վերջին շրջանում թևածող այն թեզը, որ Նիկոլ Փաշինյանի խոստումներից ոչ մեկն այդպես էլ իրականություն չի դառնում:
Լավ ներդրումներն ու տնտեսության զարգացումը կարող եք կապել արտաքին ու ներքին շատ գործոններով, իսկ ձեռք բերած ժողովրդավարության փշրանքները ցրիվ տա՞լն ինչով եք բացատրելու, ա՛յ նիկոլփաշինյանամոլներ: