«Գասպարին ընդդեմ Հայաստանի». ՄԻԵԴ-ի որոշմամբ ՀՀ կառավարությունը 4000 եվրո կվճարի

Մարդու իրավունքների եվրոպական դատարանը (ՄԻԵԴ) հրապարակել է «Գասպարին ընդդեմ Հայաստանի» գործով վճիռը, որով Հայաստանի կառավարությունը պետք է 4.000 եվրո վճարի հայցվորին: Այս մասին տեղեկանում ենք ՄԻԵԴ-ի կայքից:

Հիշեցնենք՝ ակտիվիստ Վարդգես Գասպարին ձերբակալվել էր 2008-ի մարտի 1-ին: Նա մեղադրվում էր իշխանության ներկայացուցչի նկատմամբ բռնություն գործադրելու մեջ:

2008 թվականի մարտի1-ի առավոտյան ոստիկանները հարձակվեցին Երևանի Ազատության հրապարակում գիշերող ընդդիմադիր ցուցարարների վրա, ովքեր իրենց բողոքն էին հայտնում նախագահական ընտրությունների պաշտոնական արդյունքների դեմ: Ավելի ուշ Ալեքսանդր Մյասնիկյանի արձանին հարող հրապարակում և դրա մերձակայքում ցուցարարների և ուժայինների միջև սկիզբ առած բախումների հետևանքով 10 մարդ զոհվեց, 100-ավոր մարդիկ վիրավորվեցին:

Նշենք, որ ՄԻԵԴ-ն սկսել է հրապարակել Մարտի 1-ի գործով ներկայացված հայցերի վճիռները: