Սերգեյ Եսենինը դիահերձարանում․ սահմռկեցուցիչ ու ողբերգական (բացառիկ լուսանկարներ)
Խորհրդային ժամանակաշրջանը համաշխարհային պատմության ամենափակ ու կարմիր ժամանակաշրջաններից մեկն է։ Այդ ժամանակաշրջանը հայտնի էր որպես արվեստագետների սպանդ իրականացնող ժամանակաշրջան։ 1937 ու հետագա տարիներին կտրվեց հայ գրականության պորտալարը։ Նրանք, ովքեր չէին գովերգում Ստալինին կամ Խորհրդային պետությանը, արժանանում էին Չարենցի ու մյուսների ճակատագրին։ Եղիշե Չարենցը ծանր տարավ Եսենինի մահը։
1925 թվականի դեկտեմբերի 28-ին ռուս պոետ Սերգեյ Եսենինին գտան հյուրանոցում մահացած, հասարակությունն ընդունեց այն վարկածը, որ պոետը գտնվելով ընկճախտի մեջ՝ ինքնասպան է եղել կախվելով։
Եսենինի մահից տարիներ անց ինքնասպանության վարկածից զատ, այլ վարկած առաջ չքաշվեց: Սակայն մարդիկ գիտեին ու զգում էին, թե իրականում ինչ կա թաքնված մեծ պոետի մահվան առեղծվածում:
1989 թվականին ստեղծվեց հատուկ հանձնաժողով, որը սկսեց քննել ու ուսումնասիրել Եսենինի մահվան հանգամանքները:
Այդ ժամանակ հանձնաժողովը հանդես եկավ հայտարարությամբ.
«Այժմ պոետի սպանության վերաբերյալ հրատարակված վարկածները, չնայած որոշ հակասություններին, համարվում են հատուկ տեղեկատվության գռեհիկ, ոչ իրազեկ մեկնաբանություններ՝ երբեմն պարզապես կեղծելով քննչական արդյունքները»:
Մինչ օրս Եսենինի ինքնասպանության վարկածն անհավանական են համարում նաև մյուս եսենինագետներն ու մտավորականները: Արդեն հիմա բոլորը վստահ են ու գիտեն, որ Սերգեյ Եսենինը ոչ թե ինքնասպան եղավ, այլ նրան սպանեցին: Այդ նույն կարմիր ձեռքով սպանվեց Մայակովսկին։
Հատկանշական է, որ Խորհրդային ժամանակաշրջանի մասին գաղտնի արխիվները կարելի է փնտրել ու գտնել Ռուսաստանում։ Այդ տարիներին գրեթե ամեն ինչ կամ ոչնչացվում էր, կամ էլ ուղևորվում էր Ռուսաստան։ Նույնիսկ Հայաստանում մի շարք մարդիկ, ովքեր ժամանակին եղել են սովետական «ԿԳԲ»-ի կազմում, նշում են, որ Հայաստանից մեծ թվով փաստաթղթեր, լուսանկարներ հանեցին «պադվալներից» ու տարան Ռուսաստան։
Ու անհավանական է նաև այն, որ ռուսական արխիվներում պահպանվել են Սերգեյ Եսենինից լոսանկարներ, որտեղ մահացած պոետը դիահերձված է։ Անհավանական ու անհասկանալի է թվում, թե այդ ո՞վ էր այն խիզախ մարդը, ով կարողացել է նույնիսկ դիահերձարանում լուսանկարել Եսենինին։ Իսկ այդ լուսանկարներից արդեն հստակ երևում է, որ պոետի մարմնի վրա կան վնասվածքներ, որոնք կարող էր հասցրած լինել միայն ինչ-որ երկրորդ մարդ։
Լուսանկարները՝ ball.spb.ru կայքից