ՀՖՖ-ն պատասխանել է Ռուսաստանի հետ հավանական ընկերական խաղի վերաբերյալ հարցին

Հայաստանի ֆուտբոլի ֆեդերացիան հայտնել է, որ Ռուսաստանի ֆուտբոլային միության (ՌՖՄ) հետ բանակցություններ չեն վարվում Հայաստանի և Ռուսաստանի հավաքականների միջև ընկերական հանդիպում անցկացնելու վերաբերյալ։

1991 թվականից ի վեր Հայաստանի և Ռուսաստանի հավաքականները միմյանց դեմ անցկացրել են հինգ հանդիպում՝ չորսը Եվրոպայի առաջնության որակավորման փուլերում (1999 և 2011 թթ.) և մեկը՝ ընկերական խաղի ձևաչափով (2014 թ.)։ Այդ խաղերում Ռուսաստանը տարել է չորս հաղթանակ, իսկ մեկ հանդիպում ավարտվել է ոչ-ոքի։

Հիշեցնենք, որ 2022 թվականի փետրվարից Ռուսաստանի հավաքականը միջազգային մրցաշարերից հեռացվելու պատճառով անցկացնում է միայն ընկերական խաղեր։