Քանաքեռ-Զեյթունի ծննդատունը փակվել է ժամանակավոր
Երևանի քաղաքապետարանի ենթակայությամբ գործող «Քանաքեռ-Զեյթուն ծննդատուն» ՓԲԸ-ն փակվել է ժամանակավոր, «Արմենպրես»-ի հետ զրույցում այս մասին ասել է Երևանի քաղաքապետարանի առողջապահության վարչության պետ Դավիթ Կարապետյանը՝ նշելով, որ ծննդատունը փակելու որոշմանը գնացել են ֆինանսական խնդիրների ի հայտ գալու պատճառով, սակայն կա այն վերաբացելու հանձնարարական:
Անդրադառնալով ծննդատունը փակելու որոշմանը՝ Կարապետյանը նշել է, որ ՀՀ առողջապահության նախարարության ռազմավարության ծրագրում կա ծննդատների մակարդակների վերանայում, որը որոշվել է կառավարության մակարդակով: Այդ շրջանակներում նախարարությունը ռազմավարությամբ սահմանված կետերով խախտումներ է հայտնաբերել և կասեցրել է «Քանաքեռ-Զեյթուն ծննդատան» գործունեությունը:
«Ծննդատունը 2020 թվականից հանձնված է եղել հավատարմագրային կառավարչին: 2022 թվականից հավատարմագրային կառավարիչը իր պարտավորությունները չի կատարել, և Երևանի քաղաքապետարանը սկսել է պայմանագրի խզման գործընթացը, ընթացել է դատական գործընթաց, որն ավարտվել է 2024 թվականի ապրիլի 29-ին: Ծննդատան վերահսկողությունը 2024 թվականի մայիսի 1-ից անցել է քաղաքապետարանին, իսկ հուլիսի 14-ին առողջապահության նախարարի հրամանով կասեցվել է դրա գործունեությունը: Այն բացասական բալանսով աշխատող հիմնարկ էր, կային աշխատավարձերի պարտքեր: Աուդիտ իրականացնել ևս հնարավոր չէր, քանի որ հավատարմագրային կառավարիչը ոչ մի փաստաթուղթ մեզ չներկայացրեց: Մենք դիմեցինք դատախազություն, որտեղ մեզ մերժեցին՝ ուղղորդելով դատարան, այժմ դատարան մտնելու գործընթացի մեջ ենք»,-ասել է նա:
Կարապետյանն ընդգծել է՝ ծննդատան գործունեության կասեցման պատճառով գնացին հարկադիր պարապուրդի, որի համար բոլոր գրանցված 58 աշխատակիցները ստացան իրենց վճարումները, ինչպես նաև իրենց՝ տարինեի ընթացքում կուտակված վերջնահաշվարկը: Ըստ Կարապետյանի՝ այդ հիմնարկի նկատմամբ քաղաքային իշխանությունների որևէ պարտավորություն այս պահին այլևս չկա: «Ինձ հանձնարարված է վերաբացել ծննդատունը, բայց վերաբացելու համար մի քանի ծրագիր պետք է իրականցվի, որոնք այժմ քննարկվում են: Մենք չէինք կարող այս իրավիճակին զուգահեռ որևէ գործընթաց իրականացնել, քանի որ կային պարտքեր և բողոքներ: Իրականում այժմ էլի կան մարդիկ, որ ունեն աշխատավարձի պարտքեր, բայց դա քաղաքապետարանի պարտավորությունը չէ, նրանք աշխատել են հավատարմագրային կառավարչի մոտ, այդ մարդկանց մի քանի ամիս աշխատավարձեր չեն վճարել: Դա հավատարմագրային կառավարչի պարտավորությունն է, և ես այդ աշխատակիցներին առաջարկել եմ դիմել դատարան»,- նշել է Դավիթ Կարապետյանը:
Երևանի քաղաքապետարանի առողջապահության վարչության պետի խոսքով՝ այժմ իրավաբանների հետ մշակում են համապատասխան նյութերը, որպեսզի դիմեն դատարան՝ հավատարմագրային կառավարչից պահանջելով չկատարված պարտավորությունները:
Ադրբեջանցիները կրակում են Սյունիքում (տեսանյութ)
Փաշինյանը Ցեղասպանության հարցում մեղադրեց հայերին. «Իրանց երկրում էինք ապրում, գաղթ կազմակերպեցին» (...
«Ա’յ էս ոստիկանն ա ինձ հայհոյել». «Ու՞ր եք հետս քայլում, ես ոստիկան չեմ, չեմ ներկայանում» (տեսանյութ...
Ադրբեջանական կողմը ինտենսիվ կրակոցներ է արձակել Սոթքի հատվածում
Սկանդալ ֆրանսիական հեռուստաալիքում․ Հայաստանը ջնջված է աշխարհի քարտեզից
Փաշինյանն ընկավ կատաղության նոպայի մեջ ու սպառնաց «երեք նախագահներին պատերով տալ» (տեսանյութ)
Դեղտրիկյանը շատ լավ մարդ էր, ամեն ինչին մասնակցում էր․ Սերժ Սարգսյան (տեսանյութ)
ՀՀ-ում գողացել են Վրաստանից եկած ֆուտբոլի երկրպագուների մեքենաների պետհամարանիշներն ու գումար պահանջ...
«Դա իմ գործառույթը չէ». Պապիկյանը՝ բանակում թոքաբորբի հետևանքով մահացած զինծառայողի առողջական հարցեր...
Այս ամենը ստիպում է կատարվածի մասին այլևս չլռել. Փաստաբանը Տիգրանին խոշտանգման ենթարկելու առթիվ թաքց...
