Կիևն ակնկալում է, որ արևմուտքը մոտ 50,000 խաղաղապահ կուղարկի Ուկրաինա

Ուկրաինան հույսը դնում է 40-50 հազար խաղաղապահների վրա, որոնց արեւմտյան գործընկերները կարող են երկրում տեղակայել զինադադարի դեպքում:
Այս մասին գրում է Financial Times-ը՝ վկայակոչելով ուկրաինացի պաշտոնյաներին։
Սպասվում է, որ Մեծ Բրիտանիայի վարչապետ Քիր Սթարմերը և ՆԱՏՕ-ի գլխավոր քարտուղար Մարկ Ռյուտեն հարցը կքննարկեն փետրվարի 3-ին:
Միևնույն ժամանակ հրապարակումը հիշեցնում է, որ մինչ այժմ միայն մերձբալթյան երկրներն են միանշանակ աջակցություն հայտնել խաղաղապահներ տեղակայելու գաղափարին։ Լեհաստանը բացառել է իր զորքերի ուղարկումը, իսկ Գերմանիայի կանցլեր Օլաֆ Շոլցը կտրականապես դեմ է այդ գաղափարին: