Սիրիայում ավելի քան 500 ռուս զինվոր է զոհվել

BBC-ի ռուսական ծառայությունը հաստատել է, որ 2015-2024 թվականներին Սիրիայում ռուսական գործողության ընթացքում սպանվել է առնվազն 543 ռուս զինվորական։

Լրագրողները պարզել են բոլոր ռուս զինվորականների անունները՝ հիմնվելով ԶԼՄ-ների և սոցիալական ցանցերի հրապարակումների, ինչպես նաև գերեզմանատների և պատերազմի հուշահամալիրների տվյալների հիման վրա։

Եվգենի Պրիգոժինի մասնավոր ռազմական ընկերության 346 զինվորների անունները հաստատվել են բաց աղբյուրների և ընկերության ներքին փաստաթղթերի հիման վրա, որոնք  լրագրողները ստացել են 2016-2022 թվականներին տեղի ունեցած արտահոսքերից հետո։

Սիրիայում զոհված ռուսների թվում են հատուկ նշանակության ուժեր և ԱԴԾ հատուկ ջոկատայիններ,  հետախուզության սպաներ և ռազմական օդաչուներ, նշում է հրատարակությունը։

BBC-ի ռուսական ծառայությունը նշում է, որ Սիրիայում ռուսական կողմի իրական կորուստները կարող են ավելի մեծ լինել։