Հայաստանում սպանության դեպքերն աճել են․ դրանց 80 %-ը կատարվում է կենցաղային հողի վրա. Վահե Ղազարյան

«Վերջին 5 տարիներին առանձնապես ծանր հանցագործությունների աճը միջինում կազմել է 58.3 տոկոս»։ Այս մասին ԱԺ-ում ընթացող լսումների ժամանակ տեղեկացրեց ՆԳ նախարար Վահե Ղազարյանը։

Նրա նշեց, որ հաշվետու ժամանակաշրջանում հիմնական հանցատեսակներից աճել են սպանության դեպքերը՝  միջինում 12.1 տոկոս, սպանության փորձի՝ 18.4 տոկոս,  զենք-զինմաթերիք ապօրինի շրջանառությունը՝ 15.5 տոկոս, ճանապարհային երթևեկության կանոնները խախտելը՝ 13.9 տոկոս, խուլիգանություն՝ 23.2 տոկոս, թմրամիջոցների ապօրինի շրջանառությունը՝ միջինում 46.6 տոկոս, խարդախություններ՝ 10.4 տոկոս։

«Սպանությունների 10 տոկսը՝ 270 դեպքից 26-ը եղել են անհայտ կորածով դեպքեր, իսկ վերլուծությունը ցույց է տալիս, որ սպանությունների 80 տոկոսը կատարվել է կենցաղային հողի վրա»,-ասաց ոստիկանապետը։