Արարատի մարզում բախվել են BMW X5-ն ու Mercedes-ը․ վարորդները հոսպիտալացվել են

Երեկ՝ հոկտեմբերի 7-ին, ավտովթար է տեղի ունեցել Արարատի մարզում։ Ժամը 23։30-ի սահմաններում Երևան-Երասխ ավտոճանապարհի Մարմարաշենի վարչական տարածքում, կամրջի հարևանությամբ բախվել են Արմավիրի մարզի բնակիչ 36-ամյա Արսեն Մ․-ի վարած «Mercedes» մակնիշի և Երևանի բնակիչ 42-ամյա Անդրանիկ Ս․-ի վարած «BMW X5» մակնիշի ավտոմեքենաները։

Աղբյուրի հաղորդմամբ՝ վթարի հետևանքով Արսեն Մ․-ն մարմնական վնասվածքներով տեղափոխվել են «Մասիս», իսկ Անդրանիկ Ս․-ն՝ «Արտաշատ» բժշկական կենտրոններ։

Բախման հետևանքով «BMW X5»-ը դուրս է եկել երթևեկելի գոտուց և հայտնվել դաշտում։