Ինչպե՞ս Ադրբեջանը փորձում կոծկել Արցախում իրենց իսկ կողմից իրականացվող ավերածությունների փաստերը (տեսանյութ)

Ադրբեջանական կողմն օկուպացված Արցախում կատարված շին աշխատանքները քարոզչական դաշտում այնպես է ներկայացնում, կարծես մինչ Արցախի օկուպացիան այնտեղ միայն ավերակներ էին և ոչինչ չէր ստեղծվել։

Թշնամու քարոզչամեքենան այդկերպ զուգահեռ երկու խնդիր է լուծում՝ նախ ցույց տալ սեփական ու միջազգային հանրությանը, թե որքան արդյունավետ կառավարիչ է Իլհամ Ալիևը և երկրորդ՝ կոծկեն Արցախում իրենց իսկ կողմից իրականացվող ավերածությունների փաստերը։

Այս խնդիրները լուծելու նպատակով Ադրբեջանի նախագահ Իլհամ Ալիևը օկուպացված Արցախում պարբերաբար տարբեր շինությունների կարմիր ժապավեններ է կտրում, ընդ որում, ամենևին էլ կարևորություն չտալով, թե կոնկրետ ինչ շենքի կամ ճանապարհի բացում է մատուցվում որպես նոր կառուցված շինություն։