Երևանում 33-ամյա ռուս կինը կոտրել է հյուրանոցի գույքը, հшրվածել է բժիշկներին, փախել շտապօգնության մեքենայից
Հուլիսի 5-ին խուլիգանության դեպք է տեղի ունեցել Երևանում։ Ժամը 04։20-ի սահմաններում ՀՀ Ներքին գործերի նախարարության ոստիկանության Կենտրոնական բաժնում օպերատիվ տեղեկություններ են ստացվել, որ Սայաթ Նովա պողոտա 19 հասցեում գործող «Անի Պլազա» հյուրանոցում ինչ-որ բանի ազդեցության տակ գտնվող աղջիկը ոչ ադեկվատ վարքագիծ է դրսևորում, հաղորդում է Shamshyan.com-ը:
Ոստիկանության Կենտրոնական բաժնի ծառայողները պարզել են, որ նշված քաղաքացին կոտրել է հյուրանոցի գույքը, հահոյանքներ հնչեցրել, բացահայտ անհարգալից վերաբերմունք դրսևորել հասարակության նկատմամբ, որից հետո մտել է Խանջյան փողոցի 43 հասցե ՀՀ Քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական առաջին բաժնի շենք, ցատկել արգելապատնեշի վրայով, ընկել գետնին: Նշված քաղաքացուն բուժօգնություն ցուցաբերելու համար ոստիկանության ծառայողները կանչել են շտապօգնության կարգախումբ:
Ժամանած շտապօգնության խումբը նշված քաղաքացուն զննելուց հետո, «Էկզոգեն թունավորում» նախնական ախտորոշմամբ անհրաժեշտություն է համարել տեղափոխել «Արմենիա» բժշկական կենտրոն:
Շտապօգնության ավտոմեքենայի շարժվելուց հետո Սայաթ-Նովա պողոտայում վերջինս բացել է շտապօգնության ավտոմեքենայի դուռը, փախել է մեքենայից և վազել դեպի «Գոլդ» հոթել:
Կարճ ժամանակ անց Ժամը 05։35-ի սահմաններում ՀՀ ՆԳՆ ոստիկանության Կենտրոնական բաժնում օպերատիվ տեղեկություններ են ստացվել, որ ազգությամբ ռուս մի կին մտել է նշված հյուրանոց, բարձր բղավել և տարօրինակ վարքագիծ դրսևորել և հեռացել:
Ոստիկանության Կենտրոնական բաժնի քրեական հետախուզության բաժանմունքի ծառայողները նշված քաղաքացուն ժամը 06։00-ին Սայաթ-Նովա պողոտայից խուլիգանություն կատարելու հիմնավոր կասկածով ձերբակալել և տեղափոխել են ոստիկանության Կենտրոնական բաժին, որտեղ պարզվել է, որ նշված քաղաքացին հանդիսանում է ՌԴ քաղաքացի 33-ամյա Եկատերինա Պորտնովան:
Ոստիկաններին շտապ օգնության բժշկը հայտնել է նաև, որ հիվանդանոց տեղափոխման ճանապարհին Ե.Պորտնովան հայհոյել է իրենց, ձեռքերով հարվածներ է հասցրել իր և նույն կարգախմբի մեկ այլ բուժաշխատողի մարմնի տարբեր մասերին՝ պատճառելով մարմնական վնասվածքներ:
Դեպքի փաստով ոստիկանության Կենտրոնական բաժնում կազմվել են փաստաթղթեր, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժին։
«Անասնաբուժարան». օգտատերը երիտասարդ մոր մահվան մեջ մեղադրում է Վայոց ձորի բժշկական կենտրոնի անձնակա...
Սոֆյա Հովսեփյանն արձագանքել է իր ու արցախցի նախկին պաշտոնյայի մասին տարածվող լուրերին
Արդարադատության նախարարի տեղակալն անդրադարձել է Ռոբերտ Քոչարյանի դստեր հետ մտերմության լուրերին
Դիրքապահները փորձել են «կայֆ» ստանալ եւ հիվանդանոց են ընկել․ «Հրապարակ»
Հայաստանում Կանադայի դեսպանը ամուսնացել է հայ դերասանուհու հետ
Վրիպա՞կ, թե մտածված «տրյուկ»․ ի՞նչ է փորձում ցույց տալ Արկադի Փելեշյանը
Պուտինի հետ երկուսով խնդրում էինք Փաշինյանին՝ լուծել Ղարաբաղի խնդիրը. Լուկաշենկո
Շիլաշփոթ դպրոցներում՝ նաև արվեստի առարկաների դասագրքերի հետ կապված. «Փաստ»
Անվտա՞նգ է Թեմուում տեղադրել անձնագրի տվյալները
Արցախի քաղաքական վերնախավը վերցնում է իրեն նետված ձեռնոցը. պատրաստ են ցանկացած գրոհի. «Հրապարակ»
