Կուրբան Բայրամի առաջին օրը Թուրքիայում 16 000 մարդ վնասվածքներ է ստացել

Թուրքիայում Կուրբան Բայրամի տոնի առաջին օրը տուժել է 16 հազար մարդ։ Այս մասին գրում են ռուսական ԶԼՄ-ները՝ վկայակոչելով Թուրքիայի առողջապահության նախարարի գրառումը։
Բայրամի առաջին օրը մոտ 16000 մարդ ողջ երկրում, այդ թվում՝ 1274-ը՝ Անկարայում, 840-ը՝ Ստամբուլում և 416-ը՝ Իզմիրում, դիմել են մմեր առողջապահական հաստատություններին զոհաբերության ժամանակ ստացած վնասվածքների հետևանքով։
Ֆահրթեին Քոջան նշել է, որ նման իրավիճակ է առաջացել, քանի որ ծեսը կատարում են ոչ պրոֆեսիոնալները, և կոչ է արել դեռ կենդանիներ չմորթած մարդկանց, ուշադրություն դարձնել սրան։
«Նրանց, ովքեր դեռ չեն զոհաբերել իրենց կենդանիներին, խորհուրդ ենք տալիս ուշադրություն դարձնել սրա վրա։ Մոտավորապես 16000 մարդ առաջին իսկ օրվանից չի կարողանա վայելել տոնը այնքան, որքան ցանկանում է»,-գրել է նախարարը։
