Փաշինյանը յուրայիններին է փորձում հանցակից դարձնել․ ուզում է ամեն ինչ անել, որ մարդկանց իրար դեմ հանի, գյուղը հանի գյուղի դեմ, փորձի լռեցնել պայքարը․ Գառնիկ Դանիելյան

Իշխանությունը տեռորի ու բռնաճնշումների միջոցով փորձում է լռեցնել պայքարը։ Այս մասին լրագրողների հետ զրույցում ասաց ԱԺ «Հայաստան» խմբակցության պատգամավոր Գառնիկ Դանիելյանը։ 

Նա նկատեց, որ բոլոր համայնքապետերին ուղարկվել է իրենց կողմից պաշտոնական գրություն, որպեսզի վերջիններս իրենց դիրքորոշումը հայտնեն տեղի ունեցող իրավիճակի վերաբերյալ, սակայն ոչ ոք չի արձագանքել։

«Մեկի կողմից ձեն-ծպուտ կա՞, գոնե մեկի կողմից` չէ, չի եղել, ոչ մեկ ծպտուն չի հանել»,- ասաց Գառնիկ Դանիելյանը՝ երևույթը բացատրելով համայնքապետերի նկատմամբ իշխանության կողմից առկա բռնաճնշումներով։

Պատգամավորը հորդորում է չենթարկվել ճնշումներին, քանի որ բռնաճնշումներ իրականացնողները վաղ թե ուշ պետք է պատասխան տան։

«Իրենք (նկատի ունի իշխանությանը-խմբ․), փորձում են իրենց հանցակիցների շրջանակը մեծացնեն։ Նաև յուրայիններին է փորձում հանցակից դարձնել։ Նիկոլ Փաշինյանն ուզում է ամեն ինչ անել, որ մարդկանց իրար դեմ հանի, գյուղը հանի գյուղի դեմ»,- ասաց նա։