Փրկարարի համար առաջնահերթը մարդու կյանքն ու առողջությունն է. անցկացվել են գործնական պարապմունքներ
Ավտովթար, արգելափակված մեքենա և տուժածներ… Տարբեր իրավիճակներում փրկարարական աշխատանքների կազմակերպման և առաջին օգնության մոտեցումները տարբեր են, իսկ խնդիրը մեկը`փրկել կյանքեր:
Փրկարարների եռօրյա վերապատրաստումների շրջանակում` ապրիլի 10-ին Ռուս-հայկական մարդասիրական արձագանքման կենտրոնում անցկացվել են «Ավտոտրանսպորտային միջոցների վթարների դեպքում իրականացվող փրկարարական աշխատանքներ» թեմայով գործնական պարապմունքներ:
ՃԿՊԱ փրկարարական ֆակուլտետի դասախոս, կապիտան Անդրանիկ Խաչատրյանի խոսքով՝ «Շատ կարևոր են նմանատիպ վերապատրաստման դասընթացները, որովհետև Հայաստանում օր-օրի ավելանում են տրանսպորտային միջոցները, և դրան զուգահեռ՝ ավելանում են նաև վթարները: Այդ իսկ պատճառով կարևորվում է, որպեսզի մեր փրկարարները էլ ավելի կարողանան բարձրացնել իրենց հմտությունները, գիտելիքները: Տեսական դասընթացների ավարտից հետո իրականացվում են պարտադիր գործնական պարապմունքներ, որտեղ արդեն նման իրավիճակային պայմաններում խաղարկման սցենարներով կազմակերպվում են այսպիսի աշխատանքներ»:
Սկզբում փրկարարները ստանում են անվտանգության կանոնների վերաբերյալ հրահանգավորում, ծանոթանում խաղարկային իրավիճակներին, այնուհետև անցնում փրկարարական աշխատանքներին։ Ըստ սցենարի՝ կան վթարված մեքենաներ, տարբեր վնասվածքներով տուժածներ: Փրկարարների խնդիրն է գնահատել իրավիճակը, հատուկ տեխնիկայի ճիշտ օգտագործմամբ ազատել արգելափակված տուժածներին և ցույց տալ առաջին օգնություն։
ՀՓՋ օղակի հրամանատար Հակոբ Հարությունյանն ասում է՝ «Այս ընթացքում շատ բան սովորեցինք: Դասընթացները կարևոր են ավելի բարդ իրավիճակներ հաղթահարելու համար»:
Վերապատրաստման դասընթացին մասնակցում էր տարբեր ստորաբաժանումների 13 փրկարար: Դասընթացի նպատակն էր բարձրացնել փրկարարների պատրաստվածությունը, կատարելագործել համատեղ փրկարարական աշխատանքների կազմակերպչական և գործնական հմտությունները։
Վերապատրաստում անցած ծառայողներին տրվեցին հավաստագրեր։
Ադրբեջանցիները կրակում են Սյունիքում (տեսանյութ)
Փաշինյանը Ցեղասպանության հարցում մեղադրեց հայերին. «Իրանց երկրում էինք ապրում, գաղթ կազմակերպեցին» (...
«Ա’յ էս ոստիկանն ա ինձ հայհոյել». «Ու՞ր եք հետս քայլում, ես ոստիկան չեմ, չեմ ներկայանում» (տեսանյութ...
Ադրբեջանական կողմը ինտենսիվ կրակոցներ է արձակել Սոթքի հատվածում
Սկանդալ ֆրանսիական հեռուստաալիքում․ Հայաստանը ջնջված է աշխարհի քարտեզից
Փաշինյանն ընկավ կատաղության նոպայի մեջ ու սպառնաց «երեք նախագահներին պատերով տալ» (տեսանյութ)
Դեղտրիկյանը շատ լավ մարդ էր, ամեն ինչին մասնակցում էր․ Սերժ Սարգսյան (տեսանյութ)
ՀՀ-ում գողացել են Վրաստանից եկած ֆուտբոլի երկրպագուների մեքենաների պետհամարանիշներն ու գումար պահանջ...
«Դա իմ գործառույթը չէ». Պապիկյանը՝ բանակում թոքաբորբի հետևանքով մահացած զինծառայողի առողջական հարցեր...
Այս ամենը ստիպում է կատարվածի մասին այլևս չլռել. Փաստաբանը Տիգրանին խոշտանգման ենթարկելու առթիվ թաքց...
