Իրանում Նովրուզի տոնակատարությունների ժամանակ զոհվել է 26 մարդ
Ավելի քան 4 հազար մարդ վիրավորվել է, նրանցից 26-ը մահացել են Իրանում Նովրուզի տոնակատարության ժամանակ, հայտնում է Mehr-ը։
Իրանի արտակարգ իրավիճակների ծառայության ղեկավարի խոսքով՝ տոնական օրերին մոտ 1,4 հազար շտապօգնության կայան է բերվել բարձր պատրաստականության։ Միայն Թեհրանում օրական 1,8 հազար ահազանգ է ստացվել հրդեհի վտանգի մասին, մահացել է մայրաքաղաքի 2 բնակիչ։ Հիմնականում քաղաքացիները այրվածքներ են ստանում հրդեհների վրայով ցատկելու պատճառով:
Անցյալ տարի այս տոնակատարությունների ժամանակ վիրավորվել էր ավելի քան 700 մարդ, առնվազն 17-ը զոհվել էին։