Որն է լինելու հաջորդ «սահմանազատվող» տարածքը․ «Հրապարակ»Ինչի՞ են ուզում վերածել Հայաստանը Փաշինյանն ու նրա սատելիտները. «Փաստ»ԱԺ-ում կշարունակեն քննարկել 2023թ․-ի պետական բյուջեի կատարման մասին հաշվետվությունը. ովքե՞ր կմասնակցեն նիստին․ «Ժողովուրդ»Ինչ իրավիճակ է ՀՀ ճանապարհներինԱնդրանիկ Քոչարյանի ղեկավարած հանձնաժողովը տապալել է 44-օրյա պատերազմի մասին զեկույցի հրապարակումը. «Ժողովուրդ»Տարեք, թող իրենց կյանքում գոնե մեկ անգամ հայ ժողովրդի համար օգտակար գործ անեն. «Փաստ»ՆԳ նախարարը կհեռանա՞․ «Հրապարակ»Նիկոլ Փաշինյանին ամեն օր զեկուցում են, որ շարժումը մարել է, սակայն շարունակում են ուժեղացնել անվտանգությունը. «Ժողովուրդ»Հունիսի 1-ին Հանրապետության հրապարակն «ամրագրել» է քաղաքապետարանը. «Փաստ»Իսրայելը նոր առաջարկներ ունի Պաղեստինի հետ հրադադարի հարցումՀյուսիսային Կորեան չի թողնի ԱՄՆ-ին միջամտել Սեուլի հետ հակամարտության դեպքում. Կիմ Չեն ԸնԼարված իրավիճակ. ոստիկանները ավելի քան 5 ժամ բանակցել են կասկածյալի հետ, այդ ընթացքում նա կրակել է Մի պահ պատկերացրեք՝ «հարկ վճարողները» պայքարում են սև և կարմիր բերետավորների՝ բիրտ ուժ կիրառելու դեմ․ Անանյան Անի Հովսեփյանը հաղթանակով է մեկնարկել օլիմպիական վարկանիշային մրցաշարում Արցախի քաղաքապետների ձերբակալությունները՝ սահմանազատման հետևանքով ժողովրդական ընդվզմանը համընթաց ԵՏՄ՝ տարածաշրջանային տնտեսական ինտեգրման կազմակերպության ստեղծման մասին պայմանագիր է ստորագրվել Փաշինյանը Թաթուլ Բաղդասարյանին հեռացրել է «ՔՊ»-ից Խոշոր ավտովթար՝ Արարատի մարզում Իրանի ԱԳՆ նախկին ղեկավարը իսրայելական հարվածը Ռաֆահ ճամբարին դիտավորյալ է անվանելՏարածքների խայտառակ կորուստների պարագայում շուտով կբաժանվեն մարշալի կոչումներ․ ՊՆ նախկին փոխնախարար Թշնամու նպատակը Հայաստանն է, այս օրերի մեր պայքարն ուղղված է մեր մեջքը շտկելուն․ Դանիելյան Ալեն Սիմոնյանը մեծ կազմով մեկնում է Լյուբլյանա ՌԴ-ից Հայաստան ժամանող ինքնաթիռը արտակարգ վայրէջք է կատարել․ մանրամասներ Օկուպացված Արցախի համալսարանին հարող տարածքները՝ բնակելի և մասնավոր տները քանդվում են․ մանրամասներ Հայաստանը կընդունի հրաձգության Եվրոպայի 2026 թվականի մեծահասակների առաջնությունը Բոլորս վաղը` ժամը 10:30-ին, մեքենաներով մուտք ենք գործում հրապարակ, կառավարության նիստ կա (տեսանյութ)
Միրզոյանն իրանական կողմի հետ քննարկել է տարածաշրջանն ու ձեռք բերված պայմանավորվածությունների ընթացքը
Վաղը կարևոր գործ ունենք, որը հաջողելու դեպքում ոչ միայն Թուրքիան ու Ադրբեջանը, Պակիստանն էլ կխառնվի (տեսանյութ) Հետաքննությունը բացառել է վարկածը, որ Ռայիսիի ուղղաթիռի պայթյունը դիվերսիայի հետևանք է Որոշել են իրենց կարճ խելքով վրեժ լուծել, փակել են Վեհափառի մուտքը դեպի Սարդարապատ. Սրբազան (տեսանյութ) Հրահանգն իջեցնողները չեն գիտակցում ինքնության պահպանման կառույցի՝ Եկեղեցու դերը Ադրբեջանական կողմը շատ ակտիվ տարածում է այն գաղափարաը, որ Տավուշի մարզի հաշվին ձեռք են բերել կարևորագույն ռազմավարական նշանակություն ունեցող բարձրունքներ․ Կարեն ՀովհաննիսյանԶելենսկիին խնդրել են ՆԱՏՕ-ից չպահանջել անհնարինըՕդանավակայանում հացադուլ հայտարարած Լեո Նիկոլյանին քնեցրել են եւ փորձել փոխադրել Ֆրանսիա․ «Իրավունք» Սրբազանն իր համախոհների հետ օրն ամփոփում է Սուրբ Աննա եկեղեցու բակում․ ՈՒՂԻՂ Կօգնենք պայքարել հանցավորության դեմ ԱՄՆ-ում և Հայաստանում․ դեսպան Շարժումը ձգտում է Փաշինյանին անցնցում հեռացնել, մյուս տարբերակը շատ վատը կլինի. Սուրենյանց (տեսանյութ) Ավտովթար՝ Սյունիքի մարզում. բախվել են «Toyota Camry»-ն ու «Toyota Corolla»-ն. կա վիրավոր Հայ պաշտպանը կտեղափոխվի Հանովեր Բագրատ Սրբազանը մասնակցում է «Սրբազան պայքար․ Փաշինյանի հեռացման ճանապարհը» թեմայով քննարկման․ ՈՒՂԻՂՈստիկանության լկտի պահվածքը վկայում է պետական մակարդակով իրականացվող ահաբեկչության մասին․ ՀՅԴ Միջազգային հեղինակություն ունեցող գիտնականները հաստատում են Հայոց ցեղասպանության անժխտելիությունը Վեհափառը ՀՅԴ Հայ դատի հանձնախմբերի մասնակիցների հետ անդրադարձել է հայրենիքի առջև ծառացած խնդիրներին ԼՂ-ից բռնի տեղահանված 1437 անձ ստացել է ՀՀ քաղաքացիությունԼոռու և Տավուշի մարզերում տարբեր բնակավայրերից փրկվել և տարհանվել է 443 մարդ. ՆԳՆ ՓԾ Մայիսի 30-ին կդադարեցվի հետևյալ հասցեների էլեկտրամատակարարումըԵրբեք չպետք է խաղալ Փաշինյանի կանոններով. Փաշինյանի նախկին թիմակիցԵս կռմբակոծեի Մոսկվան և Պեկինը. Դոնալդ ԹրամփԲագրատաշենում հանրային սննդի օբյեկտն աշխատել է սնիտարահիգիենիկ խախտումներով Հանրային աջակցության բացակայությունը կարող է հանգեցնել ստատուս քվոյի ամրապնդման անցանկալի հետևանքին. Դավիթ Անանյան
Մամուլ

Ջրբաժան, ճամփաբաժան և... «բաժանաջուր». «Փաստ»

«Փաստ» օրաթերթը գրում է.

«Երեկ ճամփա փակելու «փոխանցիկ դրոշը» Վարդենիսից անցել էր Մարտունի: Եթե Վարդենիսում մարդկանց հուզել էր «պասպորտ սեղանի» կամ՝ ոստիկանության անձնագրային բաժնի փակումը, ապա Մարտունիում հուզումները պայմանավորված էին արտագնա աշխատանքի մեկնածներին հարկելու Նիկոլ Փաշինյանի ցանկությամբ:

Դե, երևի Փաշինյանը ցանկանում է «հերոսացնել» մարտունեցի «խոպանչիներին», դրա համար էլ նրանց հարկի տակ է դնում: Իսկ մարդիկ էլ չեն գնահատում, որ իրենց ուզում են հերոսացնել: Բողոքում են:

Սա, ինչպես ասվում է, ընթացիկ-լրահոսային շղարշը: Իսկ եթե այդ շղարշը կամ քողը անշտապ բարձրացնենք, ապա կարող ենք նկատել նաև այլ խնդիրներ: Օրինակ՝ կարող ենք նկատել, որ 2021 թվականի հունիսին թե՛ վարդենիսցիների, թե՛ մարտունեցիների մեծ մասը ընտրել է Նիկոլ Փաշինյանին: Հարկավ, հիմա որ այդ նույն ընտրողներին հարցնես, նրանք կասեն, որ չեն ընտրել, որպեսզի իրենց քաղաքում անձնագրային բաժինը փակվի կամ թշնամին գա ու Վարդենիսի գլխին «թառի», չեն ընտրել, որ կառավարությունը նույնիսկ «խոպանչիների» գրպանը մտնի: Կասեն, որ իրենք լավ մտադրություններ ունեին, լավ ցանկություններ, չգիտես, թե է՛լ ինչ...

Մյուս կողմից՝ ծանր մտորումների առիթ է տալիս, որ փողոց դուրս գալու առիթ են անձնագրայինը փակելը, «խոպանչիներին» հարկելը, ձուկ բռնելն արգելելը, մեքենաների մաքսատուրքերի հետ կապված խնդիրները, բայց ոչ այն հանգամանքը, որ Հայրենիքի մի հատված կորցրեցինք, որ Հայրենիքի մնացյալ հատվածն է վտանգի տակ: Բայց սա այլ խոսակցության, այլ նյութի թեմա է:

Ուղղակի այստեղից ձգվեց այլ մտորումների, այլ դիտարկումների քարավանը: Նիկոլ Փաշինյանին 2018-ին չէին ճանաչում շատերը. նույնիսկ նրանք, ովքեր նրա ընտանեկան թերթի մշտական ընթերցողներն էին, չէին կարող ասել, թե ճանաչում են նրան: Քիչ թե շատ ճանաչողները, որոնց թիվը, հասկանալի է, շատ փոքր էր, ասում, զգուշացնում էին, բացատրում էին, որ նրան չի կարելի ոչ միայն երկիր, այլև, առհասարակ, որևէ կառույց վստահել: Ասում էին՝ կործանելու է, աղետի է մատնելու: Հասկանալի է, որ նույնիսկ ճանաչողները չէին կարող պատկերացնել աղետի այսպիսի մասշտաբները, բայց ձախողումների, ավերումների մասին զգուշացնում էին:

Բայց տասնյակ ու տասնյակ հազարավորների, հարյուր հազարավորների՝ էյֆորիայի մեջ ընկած «Նիկոլ վարչապետ» վանկարկումների տակ այդ զգուշացումները հաճախ չէին էլ լսվում: Ավելի ստույգ՝ անտեսվում էին: Սա չենք նշում որևէ մեկին, այսպես ասած, «երեսով տալու» կամ մեղադրելու համար: Ամենևին: Պարզապես հիշեցնում ենք, որ այդպիսին էր վիճակը «թավշահեղափոխական» 2018-ին:

Դե, չէին ճանաչում Նիկոլ Փաշինյանին, չգիտեին՝ ինչերի է ընդունակ, չէին պատկերացնում: Նույն 2018-ին արտահերթ էլ ընտրեցին...

Կարո՞ղ էին մարդիկ սխալվել նույն Փաշինյանի հարցում: Իհարկե: Կարող էին մոլորվել: Այն էլ՝ ինչպե՜ս: Ի վերջո, մարդիկ ինչ-որ բան էին փնտրում, նորություն, արդարություն, էլի բաներ...

Բա՛յց: Դա՝ մինչև 2020-ի նոյեմբերի 9-ը: Փաշինյանական պարտության, կապիտուլ յացիոն հայտարարության ստորագրման օրը՝ 2020-ի նոյեմբերի 9-ը, շատ կոնկրետ ու դաժան ջրբաժան է: Այն ջրբաժանը, որ ակնարկել ենք վերնագրում: Ու այն ջրբաժանը, որն անուղղակի ակնարկել էինք նաև էկոնոմիկային նախկին նախարար, այժմ՝ «տնային կալանավոր» Քերոբյանի մասին անդրադարձում:

Մինչև այդ, իհարկե, այլ խնդիր է, շրջադարձելի, «փոշմանելի», ինչ-որ տեղ՝ հասկանալի:

Բայց 2020-ի նոյեմբերի 9-ից հետո Նիկոլ Փաշինյանի կողքին կանգնելը, նրան սատարելը, նրան ընտրելը, առավել ևս նրա կառավարության կամ իշխանության մաս կազմելը արդեն շատ կոնկրետ ցուցիչ է, թե ում հետ կամ ինչ երևույթի հետ գործ ունենք:

Բայց նրանք կա՛ն, կա՛ն այդ մարդիկ:

Մարդիկ, որոնք շարունակեցին մնալ Նիկոլ Փաշինյանի հետ, երբ նա հրապարակավ ուրացավ Արցախը, այն հռչակեց թշնամապատկան:

Մարդիկ, որոնք շարունակեցին մնալ Նիկոլ Փաշինյանի հետ, երբ նա Արցախը հանձնեց մարդակեր ու հակահայ թշնամու հոշոտմանը, երբ հրաժարվեց պաշտպանել Արցախի հայությանը:

Մարդիկ, որոնք նույնիսկ այդքանից հետո 2021 թվականին քվե տվեցին Նիկոլ Փաշինյանին: Բայց այս թեման առանձին քննելիք է:

Ուրեմն, ինչո՞ւ վերոնշյալ մարդիկ մնացին ու դարձան Նիկոլ Փաշինյանի հենարանը: Ավելին, ինչո՞ւ ոմանք նոր եկան «համալրելու» նրա իշխանությունը: Չգիտեմ, իսկապես անհնար է որևէ ողջամիտ բացատրություն գտնել դրան:

Գուցե փո՞ղը, ի մասնավորի՝ պարգևավճարները, մի քանի օրով կամ մի քանի ամսով ինչ-որ պաշտոն ունենա՞լը, մանդա՞տը՝ հաշվի առնելով նրանց մեծ մասի անցյալը, գուցե վա՞խը, գուցե «մեկ նպատակով շղթայված լինե՞լը», «կոլեկտիվ մեղքի զգացողությո՞ւնը»... Տարբերակները քիչ չեն:

Այ, այստեղ էլ ի հայտ է գալիս ճամփաբաժանը: Այն բոլորիս է վերաբերում, անշուշտ: Բայց հիմա այն ամենից շահ վերաբերում է Նիկոլ Փաշինյանի հետ մնացած կարծեցյալ «յուրայիններին»: Նրանք պետք է ընտրություն կատարեն: Գուցե դեռ ուշ չէ, չնայած, կրկնենք, մինչ 2020 թ. նոյեմբերի 9-ը այլ է, հետոն՝ այլ...

Եվ մի փոքր էլ՝ «բաժանաջրի» մասին:

Ակնհայտ է, որ Փաշինյանը պետք է հեռանա, որպեսզի Հայաստանը շանս ունենա: Դա արդեն 3 ու ավելի տարի է ակնհայտ: Փաշինյանը չի հեռանում: Նա որոշել է մինչև վերջ կառչած մնալ վարչապետի աթոռին: Ակնհայտ է, որ բոլոր ոչ իշխանական շրջանակները պետք է միավորեն ջանքերը, պետք է մի կողմ դնեն իրենց բոլոր տարաձայնությունները, որպեսզի կարողանան հեռացնել Փաշինյանին, որը, հենց ընդդիմախոսների, ընդդիմադիրների, պարզապես իրականությունը լիարժեք ընկալողների տեսանկյունից, ուղղակի սպառնալիք է Հայոց պետականության ու հայության հետագայի համար:

Բայց ահա հենց այդ կետում արդեն մի քանի տարի «բուքսավատ» է, այն է՝ տեղապտույտ: Ավելին, ժամանակ առ ժամանակ սկսում են տարաբնույթ քննարկումներ՝ «տիտղոսային ընդդիմությունն այսպես, տիտղոսային ընդիմությունն այնպես» (որտեղից էլ պեղում են նման ձևակերպումներ), «ո՞վ բերեց Նիկոլին», «ո՞վ քվեարկեց խորհրդարանում Նիկոլի օգտին», «ո՞վ կար Հանրապետության հրապարակում», «ո՞վ է ժպտացել Նիկոլի ընտրվելու օրը» և այլն, և այսպես շարունակ:

Կրքեր են բորբոքվում, սոցցանցերում լուրջ դեմքով քննարկումներ են ընթանում:

Այ, դա էլ «բաժանաջուրն» է: Այսինքն, դա այն «ջուրը» կամ դատարկ թեման է, որն ասպարեզ նետելով՝ տորպեդահարվում են միավորման, պայքարելու, արդյունքի հասնելու նախնական իմպուլսները, ավելին՝ խորացվում են տարաձայնությունները, իսկ դա միայն ձեռնտու է իշխանությունից կառչած Փաշինյանին:

Հենց «բաժանաջուրը» մի կողմ դնենք, Փաշինյանից «բաժանվելը» կդառնա «տեխնիկայի հարց»»:

Մանրամասները՝ «Փաստ» օրաթերթի այսօրվա համարում: