Մեկն արդարադատություն կարող է համարել մյուսին շքամուտքում գնդшկшհшրելը, 2-րդը՝ մյուսի ծնոտը ջшրդելը, 3-րդը՝ մյուսի բիզնեսում փայ մտնելը․․․ Փաշինյան

2018 թվականին թավշյա, ոչ բռնի հեղափոխության ակնկալիքը արդարությունը վերականգնելն ու կոռուպցիայի դեմ պայքարն էր։ Այս մասին ԱԺ-ում 2024 թ. պետական բյուջեի նախագծի երկրորդ ընթերցման ժամանակ հայտարարեց Նիկոլ Փաշինյանը։ Նա ընդգծեց, թե՝ ցավով է արձանագրում այն, որ ակնկալիքներն առնվազն լիարժեք չեն իրականացվել։

Փաշինյանը հարց ուղղեց, թե՝ արդյոք կառավարությունը դավաճանե՞լ է իր առջև դրված սկզբունքերին և, արձագանքելով իր հարցադրմանը, նկատեց, որ իրենց հեղափոխությունը սիրո և համերաշխության հեղափոխություն էր և ասել էին, որ վենդետաներ չեն լինելու։

«Վենդետաների գործելակերպ չորդեգրելը մեր հեղափոխական պարտավորությունն է», - ասաց նա։

Փաշինյանի խոսքով` իրենց մոտեցումը եղել ու մնում է նույնը` արդարադատությունը որոշվում է ինստիտուտներում, որոնք արդարադատություն իրականացնելու, արդարադատություն հաստատելու իրավասություն ունեն ու գործում են օրենքի և Սահմանադրության հիման վրա:

Նրա համոզմամբ՝ այն, ինչ ինստիտուցիոնալ չէ, արդարություն չէ։

«Հակառակ դեպքում, մեկն արդարադատություն կարող է համարել մյուսին շքամուտքում գնդակահարելը, երկրորդը՝ մյուսի ծնոտը ջարդելը, երրորդը մյուսի բիզնեսում փայ մտնելը, չորրորդը՝ սեփականությունը ձեռքից առնելը»,- ասաց նա։