Չի՛ կարող լինել «Զանգեզուրի միջանցք». այդ թեման թուրք-ադրբեջանական թեզ է, որը տիրաժավորել է ընդդիմությունը. Բաբկեն Թունյան

Իմ կարծիքով՝ Թուրքիան այն երկիրը չէ, որտեղ ընտրությունները կարող են շատ մեծ և էական ազդցություն ունենալ իրենց արտաքին քաղաքականության վրա: Այս մասին Ազգային ժողովում ասաց «ՔՊ» խմբակցության անդամ Բաբկեն Թունյանը:

Պարզաբանելով, Թունյանը նշեց, որ երբ մեզ մոտ թեզեր են հնչում` բանակցողին փոխեք, անձն է կարևոր, ապա դա միֆ է, որովհետև երկրներն առաջնորդվում են ինստիտուցիոնալ վարքագծով: Ընդ որում, Թունյանը չի կարծում, որ տասնամյակներով եկած մոտեցումները փոխվելու են:

Ինչ ինչ կապված է «Զանգեզուրի միջանցք»-ի պնդումներին, պատգամավորը նշեց. «Սևծովյանի նիստի ժամանակ «Զանգեզուրի միջանցք» արտահայտությունը Թուրքիայի կամ Ադրբեջանի ներկայացուցիչների կողմից լսելիս ինձ մոտ վատ հիշողություններ են առաջանում, որովհետև այդ թեզն առավելապես գովազդվել ու տիրաժավորվել է հայաստանյան ընդդիմադիր դաշտի կողմից: Իսկ մեր տեսակետն այդ հարցում հստակ է և չի փոխվել: Չկա «Զանգեզուրի միջանցք», կա Լաչինի միջանցք: Իսկ Սյունիքով, ընդհանրապես ճանապարհ ունենալու թեմա քննարկելու ժամանակ Հայաստանը պատրաստ է նորմալ ճանապարհ ապահովել մարդկանց և բեռների տեղափոխման համար՝ առանց որևէ սուվերենության խախտման՝ ՀՀ օրենսդրության շրջանակներում: Այսինքն՝ «Զանգեզուրի միջանցք» արտահայտությունը թուրք-ադրբեջանական օրակարգ է, և մենք հիմա էլ այդ մասին խոսելով տիրաժավորում ենք այն: Չի՛ կարող լինել «Զանգեզուրի միջանցք»»: