Տեսանյութի նույնիսկ մոնտաժված տարբերակում նման բան կա՞․ Մհեր Սահակյանը՝ աղջիկների զուգարան փախչելու և այդ օրվա միջադեպի մանրամասների մասին
Ազգային ժողովի «Հայաստան» խմբակցության պատգամավոր Մհեր Սահակյանն ազատ արձակվեց։
Լրագրողների հետ զրույցում նա մանրամասներ հայտնեց իր և Վլադիմիր Վարդանյանի մասնակցությամբ միջադեպի օրը նիստի ժամանակ տեղի ունեցածից։
«Ես և Վլադիմիր Վարդանյանը գտնվել ենք անհավասար պայմաններում, փաստաբանի միջոցով փորձել եմ տեղյակ պահել հանրությանը՝ ինչ է կատարվել։ Աշխատանքային քննարկման ժամանակ Վլադիմիր Վարդանյանը մի քանի անգամ դրսևորել է ագրեսիվ վարքագիծ, չարաշահել է որպես նախագահող իր լիազորությունները բռի կերպով։ Հերթական անգամ նմանատիպ վարքագիծ դրսևորելու ժամանակ փորձեցի նրան սաստել, նկատողություն անել՝ պահանջելով, որպեսզի հարգալից վերաբերվի ընդդիմադիր պատգամավորներին։ Դրանից նա ավելի ոգևորվեց, կանգնելով իր տեղից, քայլելով դեպի ինձ՝ գոռում էր, որ ում վրա ուզի, ինքն այստեղ կարող է գոռալ։ Այդ պահին, երբ նա մոտենում էր դեպի ինձ, հաշվի առնելով իշխանական պատգամավորների բազմիցս դրսևորած վարքագիծը, նույն Վլադիմիր Վարդանյանի վարքագիծը, որ թույլ է տվել իրեն հարվածել ընդդիմադիր պատգամավորի, դիմեցի անհրաժեշտ պաշտպանության և մեկ անգամ հարվածեցի նրան»,- ասաց Սահակյանը, ինչին հաջորդեցին ՁՊՎ-ի բակում ներկաների ծափահարությունները։
Ինչ վերաբերում է այն լուրերին, թե հետաքննիչները դեպքի վայրից ինչ-որ մետաղական առարկա են գտել, Սահակյանն ասաց, որ դա բացարձակ սուտ է, ինքը հարվածել է ձեռքով, ձեռքն էլ կոտրվել է։
«Հարվածելուց հետո, չցանկանալով, որ վեճը տարածվի, հեռացել եմ նիստերի դահլիճից ու գնացել եմ մեր փորձագետների սենյակ»,- ասաց նա։
Լրագրողները դիտարկում արեցին, որ դա որակվել է որպես փախուստ։ Սահակյանը ծիծաղեց և ասաց, որ աշխատանքային քննարկմանը գնալուց 10-15 րոպե ուշանալիս է եղել և վազելով է միջանցքն անցել, ինչն էլ օգտագործել են։
«Նախ, որպես իրավաբան, հարց է առաջանում՝ էդ ի՞նչ վիդեոներ են, որ պետք է հայտնվեն, միանշանակ մոնտաժված է, ամեն ինչ իր պատասխանը կստանա։ Ես դիմել եմ անհրաժեշտ պաշտպանության, եթե վարույթն իրականացվող մարմինը կգնահատի, որ ես անցել եմ այդ սահմանը, պատրաստ եմ պատասխան տալ»,- ասաց պատգամավորը։
Դիտարկմանը, թե ՔՊ-ականները լուսանկարներ են հրապարակել և գրել, որ միջադեպից հետո Սահակյանը շտապել է աղջիկների զուգարան, պատգամավորը պատասխանեց․ «Այդ վիդեոները, որ հրապարակել են, նույնիսկ մոնտաժված տարբերակում նման բան կա՞։ Զեղծարարություն ու կեղծարարություն է՝ իրենց բնորոշ ձևով, չկա նման բան, ես շտապել եմ փորձագետների սենյակ, այնուհետև, երբ ինձ տեղյակ պահեցին, որ ոստիկանությունն այնտեղ է, վայրկյանների ընթացքում ներկայացել եմ»։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
