Փաշինյանի խաղաղության գինը վճարում է գերի ընկած հայ զինվորը
Հայաստանի վարչապետ Նիկոլ Փաշինյանը շարունակում է Ադրբեջանին տալ հայ զինվորների կյանքերը և Հայաստանի տարածքները՝ զուգահեռաբար խոսելով խաղաղության դարաշրջանի մասին։
Ընդամենը մի քանի օր է անցել խաղաղության դարաշրջանին նվիրված Փաշինյանի հերթական ելույթից, երբ երեկ Լաչինի միջանցքում կանգնած ադրբեջանցին խոստացավ խմել հայի արյունը, իսկ այսօր հայ զինվորը գերեվարվեց ադրբեջանցի զինվորների կողմից։
«Արցախը տանք հանգիստ ապրենք» սկզբունքով Նիկոլ Փաշինյանին ընտրած Հայաստանի քաղաքացիները հիմա կանգնել են փաստի առաջ։ Նրանք հանգիստ չեն ապրում, որովհետև Արցախի սահմանից Հայաստանի սահմանին կանգնած զինվորին է ադրբեջանցին գերի տանում։
Պաշտպանության նախարարությունից հայտնում են, որ մարտի 21-ին՝ ժամը 12:20-ի սահմաններում ՀՀ ԶՈՒ զինծառայող Մ. Գ.-ն, մարտական հենակետ մեքենայով սնունդ տեղափոխելիս, վատ տեսանելիության և մառախուղի պայմաններում նախնական տվյալներով մոլորվել է տեղանքում ու մեքենայով հայտնվել ադրբեջանական վերահսկողության տակ գտնվող տարածքում։
Անմիջապես մեկնարկել են որոնողափրկարարական աշխատանքներ, քայլեր են ձեռնարկվում զինծառայողի՝ ադրբեջանական վերահսկողության տակ գտնվող տարածքում հայտնվելը հաստատելու և նրան վերադարձնելու ուղղությամբ։
Պաշտպանության նախարարության այս հայտարարությունից րոպեներ անց լրատվամիջոցներից մեկը գրեց, որ գերի ընկած հայ զինծառայողը Խնձորեսկի 37 ամյա բնակիչ է՝ 3 երեխաների հայր։
Ստացվում է, որ վարչապետի խոստացած խաղաղության գինը վճարում են այս 3 երեխաները, որոնց հայրը ադրբեջանական գերության մեջ է հայտնվել միայն այն բանի համար, որ պաշտպանում էր մի երկրի սահման, որի ղեկավարը Ադրբեջանի ղեկավարի հետ գնացել է գործարքի՝ ամբողջ Արցախը նրան հանձնելու համար։
Իսկ որ իշխանության համար Արցախը Ադրբեջան է, փաստում են այդ իշխանության ներկայացուցիչները՝ Ազգային ժողովում։
Նրանք այսօր հրաժարվեցին ընդունել հայտարարություն, որովհետև այդ հայտարարության մեջ խոսք կար Արցախի ինքնորոշման իրավունքի մասին։
Այսօր հերթական անգամ «Քաղաքացիական պայմանագիր» խմբակցությունը մերժեց ընդդիմության հայտարարությունը, որը դատապարտում էր Ադրբեջանի անօրինական գործողությունները։
Ստացվում է, որ իշխանությունը հրաժարվում է թթու խոսք ասել Ադրբեջանի հասցեին, որպեսզի Ադրբեջանը ռազմական գործողությունների չդիմի, իսկ Ադրբեջանը չի շոյվում Փաշինյանի ցուցաբերած մեծահոգությունից և ոչ միայն 100 օր է շրջափակված է պահում Արցախը, այլ նաև գերի վերցնում հայի։ Փաշինյանի խաղաղության գինը վճարում է գերի ընկած հայ զինվորը...
Ինչպես և որտեղ է հայտնաբերվել 36 կիլոգրամ գողացված ոսկին, ինչ կապ ունի Զապի փեսան․ բացառիկ տեսանյութ...
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Բերման են ենթարկել Լիլիթ Ավետիսյանին
Արցախից խաղաղապահների շտապ դուրս գալը կարող է կապված լինել Ադրբեջանում սպասվող զարգացումներով․ Դանիե...
Արմեն Չարչյանի հորեղբոր դուստրը մասնակցել է Աննա Հակոբյանի 1մլն դրամանոց բարեգործական ընթրիքին (լուս...
Վարդան Ղուկասյանը կարևոր հայտարարություն է արել (տեսանյութ)
Վա՜յ, նայա հլա, ինչ բնությու՜ն, նայա՜,Փաշինյան ջան, մեռնեմ գլխուդ դխկ ու ցխկին. Խոպանչին ուղերձով դի...
Քրեական պատմություններով հայտնի նորատուսցի Արայի «յաշիկը» երթևեկում է հանդիպակաց գոտով (տեսանյութ)
Ովքեր են մասնակցել Աննա Հակոբյանի «խորհրդավոր» ընթրիքին
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
