Պետության վրա թքած ունենալու նուրբ արվեստը. «Հրապարակ» 
ՄԻՊ թեկնածուով գրասենյակը խանդավառված չէ. «Հրապարակ» 
ՊԵԿ-ում կոռուպցիա կա՛, կա՛ կոռուպցիա ՊԵԿ-ում. «Հրապարակ» 
Ինչու է Փաշինյանը հերթով ազատվում կադրերից. «Հրապարակ» 
Ով է առաջարկել Քրիստիննե Գրիգորյանի թեկնածությունն Արտաքին հետախուզական ծառայության պետի պաշտոնի համ... Իսպանացի պատգամավորը Ջերմուկում ծանոթացել է ադրբեջանական ագրեսիայի հետևանքներին
Իսպանիայի խորհրդարանում մենք ներգրավված ենք հայկական հարցերի բարձրաձայնմանը վերաբերող գործընթացներում: Իսպանիայի պատգամավորների կոնգրեսը միաձայն ընդունել է հայտարարություն, որը դատապարտում է ադրբեջանական ուժերի կողմից Հայաստանի ինքնիշխան տարածք ներխուժումը և կոչ է անում վերադառնալ նախկին դիրքեր: Այս մասին ասել է երկօրյա այցով Հայաստան ժամանած Իսպանիայի պատգամավոր Ջոն Ինարիտուն դեկտեմբերի 2-ին Ջերմուկ այցի ժամանակ: Պատգամավորին ուղեկցել է ՀՀ Ազգային ժողովի «Քաղաքացիական պայմանագիր» խմբակցության պատգամավոր, Հայաստան-Իսպանիա բարեկամական խմբի ղեկավար Տաթեւիկ Գասպարյանը:
ԱԺ-ի լրատվական բաժնից հայտնում են, որ խորհրդարանականներն այցելել են ադրբեջանական ագրեսիայի հետևանքով տուժած Ջերմուկի առողջարան, Կեչուտի գերեզմանատուն և ճոպանուղի:
Իսպանացի պատգամավորը նշել է, որ իր երկիր վերադառնալուն պես գործընկերներին կներկայացնի Ադրբեջանի կողմից տարբեր տրամաչափի զենքերի կիրառման հետևանքով առողջարանային քաղաքի կրած վնասները և այն ամենը, ինչ տեսել է սեփական աչքերով:
Հյուրերին դիմավորել և սեպտեմբերյան ադրբեջանական ռազմական ագրեսիայի հետևանքով մարզում ստեղծված իրավիճակն ու խնդիրները ներկայացրել է Ջերմուկի փոխքաղաքապետ Վարդան Սարգսյանը: Ըստ նրա` ներկա պահին իրավիճակը քաղաքում հանգիստ է, սակայն սպառնալիքները մշտապես առկա են:
Տաթևիկ Գասպարյանն ընդգծել է նման այցերի կարեւորությունը` նշելով, որ դրանք միջազգային հանրությանը ևս մեկ անգամ իրականությունը ներկայացնելու հնարավորություն են ընձեռում:
