Այսօր Արցախում այս պատերազմից փախածները իրենց ամենակարող են զգում. ահազանգ Արցախի նախագահին, ոստիկանությանը, ՄԻՊ-ին (տեսանյութ)
Ստեփանակերտի Պյատաչոկի կրպակի տերը՝ Նորայր Հայրիյանը արցախյան առաջին պատերազմում երկու անգամ վիրավորված, երկրորդ կարգի հաշմանդամ է, նրա երկու որդիները այժմ ծառայում են Արցախի բանակում: Այս սառնարանները երկու կոպեկ եկամուտ էին բերում ամռան շրջանում այս ընտանիքին: Այս մասին ֆեյսբուքյան իր էջում գրել է Նարինե Ղուկասյան Հայրիյանը:
«Հետևում գտնվում է Չառլի սրճարանը, որի տերը դատավոր Ռաֆայել Ջհանգիրյանն է, ով դեռ անհայտ է՝ որտեղ էր փախել պատերազմի ժամանակ: Առանց դատի, իր սեփական շահերին ծառայող դատարանը որոշել է, և հարկադիր մարմինը այսօր հեռացրել է սառնարանները, որ ինչպես դատավոր Ռ. Ջհանգիրյանն է ասել. «Իմ սրճարանից պետք է ամբողջ Պյատաչոկը երևա», հիշեցնեմ նույնիսկ դատ չի եղել: Սա բացահայտ պաշտոնի չարաշահում է: Իրենք իրենց բիզնեսի եկամուտները մեծացնելու համար զրկում են մարդկանց օրվա եկամուտից: Երկրի ղեկավարը վայրկյան առաջ տեղեկանալու է այս հանցավոր խմբակի գործունեության մասին:
Հանցախմբի մասնակից է փաստաբան Ռոման Երիցյանը (պետք է ևս պարզել, որտեղ էր փախել պատրազմի ժամանակ) Արցախի գլխավոր դատախազ Գուրգեն Ներսիսյանի բարեկամն է (քավոր-սանիկ):
Ռոմանը հայտարարել է, որ մինչև վերջ գնալու է, որ Չառլի սրճարանից Պյատաչոկի տեսարանը ինչ-որ չափով փակող ցանկացած բան վերացնի:
Եվ այսօր Արցախում այս պատերազմից փախածները իրենց ամենակարող են զգում, և օրենքի անվան տակ քողարկված սև գործեր են անում՝ մեծ եկամուտների տիրանալով:
Ահա, այսպես բարեկամներ:
Ինձ համար բացահայտում էր, որ արցախցիների մեջ ևս կան նման երևույթներ»,- գրել է նա:
Նարինե Ղուկասյան Հայրիյանը դիմել է Արայիկ Հարությունյանին, Ստեփանակերտի քաղաքապետարանին, ԱՀ ներքին գործերի նախարարության ոստիկանությանը, Արցախի Մարդու իրավունքների պաշտպանին: