«Սոցիոլոգիան ու քաղաքագիտությունն ասում են, որ 15-20 օրն էլ է բավական Նիկոլին ոչ բռնի պայքարով ռադ անելու համար». ռազմական փորձագետը հաշվարկ է ներկայացրել
Մեր հասարակությունում այնպիսի մի մտայնություն է արմատացել, թե Նիկոլն անհաղթելի ինչ-որ կերպար է, այսպես ասած՝ Кощей Бессмертный... Այս մասին ֆեյսբուքյան իր էջում գրել է ռազմական փորձագետ Կարեն Վրթանեսյանը:
«Իրականում ես կհամեմատեի իրեն ռուս մանկական բանաստեղծ Կոռնեյ Չուկովսկու «Տառականիշե» բանաստեղծության գլխավոր հերոսի՝ Տառականիշեի հետ։ Որից բոլոր կենդանիները վախենում էին, որովհետև... վախենալու էր թվում ու մեծ-մեծ խոսում էր, թե բա սրան կուլ կտամ, նրան կուլ կտամ։ Ու հենց հայտնվեց մի բեխաբար կենդանի (ճնճղուկ), որը տեղյակ էլ չէր, թե Տառականիշեն այդպիսի ահասարսուռ կերպար է, առանց իմանալու կուլ տվեց դրան։
Բայց խոսեմ Նիկոլի հեռացման ոչ բռնի, ամոթ չլինի կանանց ու երեխաների ներկայությամբ ասել՝ թավշյա, տարբերակի մասին...
Տեսե՛ք, առանց կատակի. ժամանակակից սոցիոլոգիան ու քաղաքագիտությունն ասում են, որ 15-20 օրն էլ է բավական Նիկոլին ոչ բռնի պայքարով ռադ անելու համար։ Լավ, սույն պատուհասի առանձնահատուկ պադոշությունը հաշվի առնելով՝ թո՛ղ լինի 30 օր։
Ընդամենը 30 օր Հայաստանի ազատ անկումը կանգնեցնելու համար։
«Զա չեմ ժե ձելո ստալո՞, այ ախպեր»,- կհարցնեք դուք ինձ ու ճիշտ կանեք։
Հարցը բնակչության՝ անհնազանդության ակցիաներին մասնակցողների թիվն է։ Գիտությունն ասում է, որ բողոքների գլխավոր միջոցառմանը փողոց պետք է դուրս գա երկրի բնակչության 3,5 տոկոսը։
Ընդամենը 3,5 տոկոսը։
Հայաստանի օրինակում դա մոտ 85–98 հազար մարդ է։ (Կարծում եմ, որ նույնիսկ այդքան էլ պետք չէ Նիկոլին վռնդելու համար)։
Ընդ որում Հայաստանում Նիկոլի աղետաբեր լինելը հասկացող մարդկանց թիվը անգամներով շատ է։ Միայն Երևանում «Հայաստան» ու «Պատիվ ունեմ» դաշինքները մոտ 150 հազար ձայն են հավաքել։ Ամբողջ Հայաստանում՝ 330 հազարից ավելի։ Բնականաբար, միայն այդ մարդիկ չեն, որ հասկանում են, թե ինչ աղետներ է բերում Նիկոլը...
Այնպես որ, սիրելի ու հարգելի տիկնայք և պարոնայք, աղջիկներ ու տղաներ, խնամիներ, ծանոթներ ու բարեկամներ... Նիկոլի լինել-չլինելու որոշողն իսկապես մենք եք՝ ամեն մեկս։
Այսօր ամենամեծ ակցիաներին մոտ 25–30 հազար մարդ է հավաքվում։ Եթե ամեն մեկս 3–4–5 նոր մարդ տանենք հետներս, #գնա՛-ն կարող է իրականություն դառնալ հաշված օրերի ընթացքում»։