Եթե նրանք հայ ինքնության կրող են, ապա ինչո՞ւ են իրենց թուրքի ջանասիրությամբ պոկում Արցախի դրոշը․ Ռուբեն Մելիքյան
Իրավապաշտպան Ռուբեն Մելիքյանը ֆեյսբուքյան իր էջում տեղադրել է այսօր՝ մայիսի 23-ին մետրոյի կայարաններից մեկում 2 քաղաքացու կողմից Արցախի դրոշը պոկելու լուսանկարն ու գրել․
«Ժամանակն է, որ վերևում պատկերված մարդիկ «քամինգ-աութ» անեն և բացահայտ հայտարարեն իրենց իրական ինքնության մասին. եթե նրանք հայ ինքնության կրող են, ապա ինչո՞ւ են իրենց պահում թուրքերի պես։
Ակնհայտ չէ՞, որ մեր երկրում ձևավորվել է մի նոր՝ «հակահայ» ինքնություն, որը բացասաբար (նույնիսկ՝ թշնամաբար) է տրամադրված ամեն հայկականի նկատմամբ։ Գուցե նրանք պահանջեն իրենց տրամադրել «ազգային փոքրամասնության» կարգավիճակ, գուցե այլ պահանջներ դնեն՝ իրենց գործն է։ Կարևորը՝ հասկանանք, թե որքան են նրանք։ Կարծում եմ՝ շատ քիչ են։
Հիշեցնեմ, որ վերևում պատկերված երկուսը նույն ջանասիրությամբ, ինչ ներքևում պատկերվածը, պոկում էին Արցախի դրոշը»։