Ճիշտ կլինի, որ Հանրապետության հրապարակում գլխավոր տոնածառը տեղադրվի․ Դավիթ Խաժակյան
Երևանի ավագանու «Լույս» խմբակցությունը կողմ է, որ Երևանի Հանրապետության հրապարակում Ամանորին տոնածառ տեղադրվի: Այս մասին այսօր Երևանի ավագանու նիստում ասաց խմբակցության ղեկավար Դավիթ Խաժակյանը:
«Երեկ քաղաքապետի մամուլի խոսնակը հայտարարեց, որ քննարկվում է Հանրապետության հրապարակում տոնածառի տեղադրման հարցը: Հասկանալով հարցի նրբությունները, այդ թվում՝ նաև էմոցիոնալ նրբությունները, ես ցանկանում եմ և՛ իմ, և՛ մեր խմբակցության գործընկերներ են կիսում են այս կարծիքը, ասել, որ այդ միջոցառումները, որոնք կազմակերպվում են, դրանք երեխաների համար են հատկապես այս տարի՝ պատերազմից մեկ տարի անց, մենք կարծում ենք, որ ճիշտ կլինի տեղադրել և: Եթե նույնիսկ լինեն այլ քաղաքական շահարկումներ՝ ուղղված քաղաքային իշխանությանն այդ որոշման հետ կապված, այդ առումով մենք մեր կարծիքը կարտահայտենք, հիմա էլ այդ նպատակով արտահայտում ենք, եթե այն կօգնի, որ այդ որոշումը կայացվի: Եթե այս տարի ամանօրյա այդ տոնակատարումները՝ երեխաների ներգրավմանն ուղղված, կատարվեն, մենք միայն ուրախ կլինենք»,- ասաց Խաժակյանը: