Նիկոլ Փաշինյանը Սոչիից վերադառնալիս միանգամից գնալու է Սևանի ամառանոց
Հայաստանը Սոչիում ներկայացրած Նիկոլ Փաշինյանին սպասարկող ինքնաթիռը քիչ անց կվերադառնա Երևան։
NEWSPRESS.am-ի տեղեկություններով՝ ՀՀ ոստիկանությունը, որը ստանձնել է Հայաստանում մեկ անձի պաշտպանելու ամոթալի վարքագիծը, արդեն իսկ ճանապարհները «պատրաստում է»՝ Փաշինյանին Սևան՝ կառավարական առանձնատուն ուղեկցելու համար։
Ի վերջո, հանգստյան օրեր են, իսկ ծանր հանդիպումից վերադարձած մեկը, որին Աստված գիտե միայն, թե ինչ նորանոր պահանջներ են առաջադրվում, իսկ ընդդիմությունը մեղադրանքներ է ուղղում, օրինակ՝ գերիների՝ առանց նախապայմանների վերադարձն առանձին կետով չընդգծող հայտարարության տակ ստորագրելու համար, իրապես հանգստի կարիք կունենա։ Շաբաթ-կիրակի է, եղանակն էլ ամպամած է լինելու, իսկը Ֆեյսբուքում մեկնաբանություններ կարդալու, սքրինշոթեր անելու եղանակ է։ Եվ վերջապես, Սևանով հիանալու եղանակ է, չէ՞ որ նա չգիտի, թե Ալիևի պահանջած վերջին կետը որտեղ է։ Գուցե Կոտայքի մարզով պիտի վերջանա Հայաստանը...
Ի՞նչ գիտի...