Մահացել է լեգենդար հայ կինոօպերատոր Լևոն Աթոյանցը (տեսանյութ)
Կյանքի յանքի 91–րդ տարում մահացավ Հայաստանի Կինեմատոգրաֆիստների միության անդամ, Կինեմատոգրաֆիստների միության «Մշակույթի ասպետ» շքանշանակիր, լեգենդար կինոօպերատոր, հայկական կինոյի նվիրյալ անուններից Լևոնմ Աթոյանցը:
Նրա կորուստը մեծ կորուստ է ինչպես հայկական կինոյի, այնպես էլ ողջ հայ մշակույթի համար:
Լևոն Աթոյանցը նկարահանել է ավելի քան 30 ֆիլմ, որոնց թվում են՝
- 1970 թվական՝ «Մորգանի խնամին»
- 1970 թվական՝ «Հեղնար աղբյուր»
- 1973 թվական՝ «Քաոս»
- 1978 թվական՝ «011 աքսորականը»
- 1981 թվական՝ «Խոշոր շահում»
- 1983 թվական՝ «Վառված լապտեր»
- 1992 թվական՝ «Որտե՞ղ էիր, մարդ Աստծո»
- 1993 թվական՝ «Աղետ»
- 2008 թվական՝ «Տխուր փողոցի լուսաբացը»
Կենսագրություն
Ծնվել է Թբիլիսիում: 1951թ. ավարտել է տեղի միջնակարգ դպրոցը:
1951-54թթ սովորել է Լենինգրադի կինոճարտարագետների ինստիտուտում: Ուսման ընթացքում աշխատել է «Լենֆիլմ» կինոստուդիայում` որպես օպերատոր: Այնուհետև, հոր հիվանդ լինելու պատճառով, վերադարձել է Թբիլիսի:
1954թ. աշխատել է մեքենաների վերանորագման գործարանում` որպես արհեստավոր: Մեկ տարի հետո աշխատել է Թիֆլիսի Ժողովրդական տանը:
1955թ. տեղափոխվել է Հայաստան:
1956թ-ից աշխատել է «Հայֆիլմ» կինոստուդիայում` որպես կինոօպերատոր:
1960թ. և 1963թ. գործուղվել է «Մոսֆիլմ» կինոստուդիա` սեմինարների: Արժանացել է «Հրաշալի կինո ԽՍՀՄ» մեդալի:
1996-2000թթ սովորել է Անանիա Շիրակացու անվան համալսարանի լրագրողական բաժնում, այնուհետև օպերատորի կուրսեր է դասավանդել Հեռուստատեսության և ռադիոյի ակադեմիայում և Երևանի գեղարվեստաթատերական ինստիտուտում: Որպես կինոօպերատոր` նկարահանել է ավելի քան 30 ֆիլմ:
Պարգևատրվել է «Գրիգոր Նարեկացի» ոսկե մեդալով:
2012թ. արժանացել է «Հայակ» հայկական ամենամյա առաջին կինոմրցանակաբաշխության Հատուկ մրցանակի` հայկական կինոյում ներդրած վաստակի համար:
2018թ. արժանացել է Երևանի քաղաքապետարանի ոսկե մեդալի, 2020թ.՝ ՀՀ «Հայրենիքին մատուցած ծառայությունների համար» 1-ին աստիճանի շքանշանի: