Խաչատուր Սուքիասյանը շատ փոքր մարդ ա, որ Վազգեն Սարգսյանին քննադատի. Սասուն Միքայելյան
Խաչատուր Սուքիասյանը շատ փոքր մարդ ա, որ Վազգեն Սարգսյանին քննադատի: Մարդ պիտի իր անցած ուղուն հետհայացք գցի՝ նայի Արցախյան ազատամարտից մինչև էսօր իր արած գործին, մեր պետության, պետականության, նորանկախ պատմության մեջ , նոր Վազգեն Սարգսյանին քննադատի: Այս մասին այսօր Եռաբլուր զինվորական պանթեոնում լրագրողների հետ զրույցում ասաց ԵԿՄ նախագահ Սասուն Միքայելյանը՝ անդրադառնալով դիտարկմանը, որ ԱԺ ՔՊ խմբակցության պատգամավոր Խաչատուր Սուքիասյանը ԱԺ իր ելույթում քննադատել էր սպարապետ Վազգեն Սարգսյանին:
«Վազգեն Սարգսյանն այն մարդն էր, ով կարողացավ ազատագրել 8000 կմ² տարածք, ոչ թե մենակ ինքը, այլ մենք ազգովի»,- ասաց Միքայելյանը:
Նա նշեց, որ 90-ականների էլ էր նմանատիպ վիճակ, բայց Սպարապետը կարողացավ համախմբել տարբեր կուսակցականների ու տարբեր աշխարհայացքի տեր մարդկանց, և կարողացանք ազատագրել Արցախը: